"Oliy ta’lim muassasalarida talabalar bilimini nazorat qilish va baholashning reyting tizimi to‘g‘risida"gi nizomining III-bob 17-bandiga ko'ra "Talabalarning o‘quv fani bo‘yicha mustaqil ishi, joriy, oraliq va yakuniy nazoratlar jarayonida tegishli topshiriqlarni bajarishi va unga ajratilgan ballardan kelib chiqqan holda baholanadi". III-bob 19-bandiga ko'ra esa "Fan bo‘yicha joriy va oraliq nazoratlarga ajratilgan umumiy ballning 55 foizi(38.5 ball) saralash ball hisoblanib, ushbu foizdan kam ball to‘plagan talabalar yakuniy nazoratga kiritilmaydi. joriy va oraliq nazoratlarning har biriga ajratilgan ballning 55 foizi(38.5 ball) va undan yuqori foizidagi ballni to‘plagan talabalar ushbu fan bo‘yicha yakuniy nazoratga kiritiladi." Ya'ni talaba joriy va oraliq nazoratlaridan umumiy 38.5 balldan yuqori, 39.0 ball to'plagan taqdirda mustaqil ish topshirmasa ham yakuniy nazoratiga kiritiladi. Mustaqil ishlar talabaning mustaqil o'rganish ko'nikmalarini rag'batlantirish va uni bilimini to'g'ri baholash maqsadida, o'qituvchi yuqori baho qo'yishi uchun istisno tariqasida kiritilgan qo'shimcha yuklama hisoblanadi. Talaba ushbu yuklamani bajarib o'zi uchun qo'shimcha ball jamg'arishi va aksincha bajarmay qo'shimcha ball jamg'armasligi o'z ixtiyorida.

   Agar talaba oraliq va joriy nazoratidan 39 va undan yuqori ball to'plasa ham fan o'qituvchisi tomonidan mustaqil ish topshirilmagani vaj qilinib yakuniy nazoratiga kiritilmasa, "Oliy ta’lim muassasalarida talabalar bilimini nazorat qilish va baholashning reyting tizimi to‘g‘risida"gi nizomining III-bob 19-bandini buzgan hisoblanadi.

     Eslatma: Ushbu nizom OTMlarda modul tizimida ta'lim olayotgan talabalarga tegishli. Kredit modul tizimidagi talabalarga taalluqli emas. Ularning o'zini ichki nizomi bor.