Xabaringiz bo‘lsa kerak, 2020/2021 o‘quv yilidan boshlab, oliy ta’lim muassasalari talabalariga to‘lov-kontrakt miqdorlarini o‘quv yili davomida teng ulushlarda to‘rt bo‘lib to‘lash imkoniyati berilgan edi.

    Oliy va o‘rta maxsus ta’lim vazirligi xabariga ko‘ra, talabalar kontraktni quyidagi muddatlarda bo‘lib to‘lashlari mumkin:

Sizga shuni ma’lum qilamizki O‘zbekiston Respublikasi Oliy va o‘rta maxsus ta’lim vazirligining 19.10.2020 yil 81-02-356-sonli hamda 20.10.2020 yildagi 87-02-361-sonli xatlariga asosan to‘lov-kontrakt asosida tahsil olayotgan talabalar uchun 2020/2021 o‘quv yilidan boshlab kontrakt to‘lov muddatlari quyidagicha belgilangan.
- belgilangan kontrakt to‘lov miqdorining kamida 25 foizini talabalikka tavsiya etilgan abituriyentlar uchun 15 sentyabrgacha yoki Davlat komissiyasi tomonidan belgilangan muddatgacha hamda ikkinchi va undan keyingi bosqich talabalari uchun 1 oktyabrgacha yoki oliy ta’lim muassasasi rektori (filial direktori) tomonidan uzaytirilgan muddatgacha;
- belgilangan to‘lov miqdorining kamida 50 foizini 1 yanvargacha, 75 foizini 1 aprelgacha, 100 foizi 1 iyulgacha yoki oliy ta’lim muassasasi rektori (filial direktori) tomonidan uzaytirilgan muddatgacha to‘lanishi shart aks holda darslarga hamda yakuniy nazoratlarga kiritilmasligingiz va talabalar safidan chiqarilishingiz to’g’risida ogohlantiramiz.