"Joriy yilning 18- yanvar 2022- yil TDIU SF da Professor o'qituvchilar va xodimlar uchun ingliz tilidan seminar - trening tashkil etildi.

   Seminar-trening ingliz tilida Listening (tinglab tushunish) qobiliyatini oshirishda turli usullardan foydalanishga bag’ishlandi. Bugungi mavzu “I have got life!’ ingliz qo’shig’i asosida o’tildi. Listening (tinglab tushunish) ko‘nikmani rivojlantirib borish muhim ahamiyatga ega. Ayniqsa, xorijda ta'lim olish istagida bo‘lgan professor-o’qituvchilar borgan mamlakatlarida qiynalmasliklari, darslar, seminarlar yoki bahslarda faol qatnashishlari uchun bu ko‘nikmani rivojlantirishlari lozim.

     Xorijiy tilini rivojlantirmoqchi bo‘lganlarga ilk tavsiyalardan biri o‘rganayotgan tillarida ko‘p qo‘shiq eshitishdir. Bu esa ham so‘zlarni, ham ularning talaffuzini o‘rganishingizda, shuningdek, qulog‘ingiz notanish so‘zlarga moslashishida asqotadi. Qo‘shiqni tinglar ekansiz, uning turiga, oson tushunilishiga, qo‘shiq matnining qancha qismini qog‘ozga tushira olishingizga ham diqqat qilib boring.