2021 yil 30 dekabr kuni TDIU SF xalqaro AgroDev (Sifatli qishloq xoʻjaligi va oziq-ovqat mahsulotlari ishlab chiqarish tarmoqlari barqarorligini qoʻllab-quvvatlashga qaratilgan oliy ta’limni rivojlantirish) loyihasining 2021-yil uchun hisobot yigʻilishi boʻlib oʻtdi. Yigʻilishni loyiha rahbari i.f.d., dotsent Sh.T.Hasanov olib bordi. Yigʻilishda yil davomida qilingan ishlar, erishilgan yutuqlar alohida ta’kidlanib oʻtildi va kelgusi yilda bajarilishi kerak rejalar atroflicha muhokama qilindi. Jumladan, loyihaning Latviya va Shvedsiyalik hamkorlari tomonidan 2021-yildagi xalqaro AgroDev loyihasida TDIU SF tomonidan ishtirok etayotgan professor-oʻqituvchilar faoliyati ijobiy baholanganligi, shunday boʻlsa-da, 2022-yilda xalqaro AgroDev loyihasining TDIU SF professor-oʻqituvchilaridan iborat jamoasi salohiyatni pasaytirib yubormasligi, aksincha uni yanada oshirish boʻyicha kelishib olindi. Loyiha rahbari tomonidan faol unda qatnashayotgan ishtirokchilar dotsent F.Axrorov, katta oʻqituvchi Gʻ.Ibragimov va assistent I.Boymurodovalar e’tirof etilib, minnatdorchilik bildirildi. Yigʻilishda loyihaning kengaytirilgan boshqaruv yigʻilishi Samarqandda oʻtkazilishi va unda Latviya Amaliy fanlar va texnologiyalar Universiteti (Latviya), Norin Davlat Universiteti (Qirgʻiziston), Qirgʻiz Milliy Agrar Universiteti (Qirgʻiziston), Toshkent Davlat Iqtisodiyot Universiteti Samarqand filiali, Toshkent Davlat Agrar Universiteti (Oʻzbekiston), Krakov Qishloq xo’jalik Universiteti (Polsha), Linnaeus Universiteti (Shvedsiya), Hilfswerk International (Tojikiston) vakillari qatnashishi, bu anjumanga tayyorgalik koʻrish boʻyicha takliflar ishlab chiqish masalasi koʻrildi. Yigʻilish soʻnggida barcha qatnashchilari kelayotgan yangi 2022 yil bilan qutlandi. Ma’lumot uchun, mazkur loyihada TDIU SFdan 15 nafar professor-oʻqituvchi ishtirok etib kelmoqda.