Samarqand iqtisodiyot va servis institutining “Raqamli iqtisodiyot” kafedrasida “Innovatsion iqtisodiyot” fanidan “Professor Sher Sulaymonov nomli Respublika hududiy olimpiadasi” onlayn asosida tashkil etildi. Ushbu olimpiadada Respublikamizning Buxoro, Qashqadaryo, Samarqand viloyatlaridan 10 ga yaqin OTMlar talabalari onlayn tartibida faol ishtirok etishdi.
Mazkur olimpiada natijalariga ko‘ra 1-o‘rinni eng yuqori ball olgan Samarqand iqtisodiyot va servis instituti “Iqtisodiyot” fakulteti “Iqtisodiyot” ta’lim yo‘nalishi 3-kurs talabasi Gulxayo Fayzullayeva egalladi. 2-o‘rin Buxoro Davlat Universiteti talabasi Nodir Toyirovga nasib etgan bo‘lsa, 3-o‘rin Toshkent Davlat iqtisodiyot Universiteti Samarqand filiali talabasi Javohirbek Ravshanov qo‘lga kiritdi. G'oliblarga diplom va esdalik sovg'alar topshirildi.
