Birlashgan Millatlar Tashkiloti tomonidan "3-dekabr –Xalqaro nogironlar kuni" deb eʼlon qilingan. 
Ushbu sana butun dunyo boʻylab keng nishonlanadi va bundan asosiy maqsad;
Imkoniyati cheklangan  zamondoshlarimizni har tomonlama qoʻllab-quvvatlashdan iboratdir.

Bugun TDIU Samarqand filiali rahbariyati tomonidan ham ushbu sana oldidan koʻngli yarim yurtdoshlarimiz holidan xabar olish va  ularga moddiy va maʼnaviy jihatdan yordam berish ishlari olib borildi.

Jumladan, Toshkent davlat iqtisodiyot universiteti Samarqand filiali direktori professor O.Murtazoyev Samarqand shahridagi "Tojmahal" mahallasida istiqomat qiluvchi, 
39-umumta’lim maktabi oʻquvchilari D.Boboeva va M.Rahimovalar bilan uchrashib, holidan xabar oldi va kerakli oʻquv qurollari bilan ta’minladi. 
Ana shunday saxovat va koʻmak ishlarini amalga oshirish davom etadi. "Hech bir bola davlatimiz va jamiyatimiz e'tibori va mehridan chetda qolmaydi"

Nogironlik kuni nima uchun nishonlanadi?

Kezi kelganda aytish joiz, ushbu sana 1992-yilda qabul qilingan BMT Bosh Assambleyasi qaroriga binoan har yili nishonlanib kelinmoqda. Bundan asosiy maqsad jamiyatda nogironlar duch kelayotgan muammolarni yaxshiroq tushunish, ularni bartaraf etish, qadr-qimmati, huquqlarini himoyalash, turmush sharoitlarini yaxshilashdan iborat. Zero, bu toifa insonlarning sogʻligida muammosi bor boʻlgani bois imkoniyatlari cheklangan va moddiy sharoiti ham talab darajasida emas. Ularni har tomonlama qoʻllab-quvvatlash orqali jamiyatning siyosiy, ijtimoiy, iqtisodiy va madaniy hayotidagi faolligini taʼminlashga erishish mumkin.

Xulosa

Bugungi kunga kelib dunyo aholisining 1 milliarddan ortigʻida, yaʼni yetti kishidan kamida bittasida muayan bir turdagi nogironlik mavjud. Shularning 100 milliondan ortigʻini bolalar tashkil etadi. Demak, safimizdagi imkoniyati cheklanganlarni har tomonlama safimizda mavjudligini taʼminlash uchun ularning teng huquqliligini taʼminlash, qadr-qimmatini himoya qilish darkor.