TDIU Samarqand filiali  va  Latviya amaliy bilimlar va texnalogiyalar universitetlarining  munosabatlari rivojlanmoqda.
Kuni kecha Toshkent davlat iqtisodiyot universiteti Samarqand filiali Latviya amaliy bilimlar va texnalogiyalar universiteteti rahbariyati boshchiligidagi delegatsiyani qabul qildi. 
 Latviya amaliy bilimlar va texnalogiyalar universiteti  prorektori professor Aigars Luzans  boshchiligidagi delegatsiyada shuningdek, Latviya qishloq xo`jaligi vaziri maslahatchisi Edvards Ratnieks, Erasmus + loyihalari kordinatori Irina Kulitane,  Xalqaro hamkorlik markazi rahbari Voldemdrs Bariss, "Oziq-ovqat sifati va innovatsiyalar" o'quv dasturi direktori Dace Klavalar tashrif buyurishdi. Tashrifdan asosiy ko‘zlangan maqsad Toshkent davlat iqtisodiyot universiteti Samarqand filialida qo‘shma ta`lim dasturini tashkil etish hamda hamkorlikda amalga oshirilayotgan loyihalar istiqbollari to‘g’risida fikr almashish bo‘lib uchrashuv davomida yuqoridagi mas’alalar qatori yana bir nechta kelishuv va hamkorliklar xususida kelishib olindi. 
Tashrif davomida delegatsiya filialda tahsil olayotgan qo‘shma ta’lim talabalari bilan ham uchrashib fikr mulohazalar hamda O‘zbekiston va Latviyadagi ta’lim xususida suhbatlashishdi, suhbat jarayonida Latviyaning amaliy bilimlar va texnalogiyalar universitetida bor imkoniyatlar haqida umumiy ma’lumotlarni videorolik shaklida taqdim etildi va uchrashuvning so‘ngida talabalarni sovg’alar bilan taqdirlashdi.  Delegatsiya tashrifi doirasida uchrashuvda filil rahbari professor Olim Murtazayev hamda filialning direktor o‘rinbosarlari Farhod Axrorov va Zafar Abdullayevlar shuningdek bo`lim boshliqlari, kafedra mudirlari, fakultet dekani hamda professor – o‘qituvchilar ishtirok etishdi.