Bugun 21-sentabr kuni  Toshkent davlat iqtisodiyot universitetining Samarqand filialida Innovatsion rivojlanish vazirligi huzuridagi Innovatsiyalar Milliy ofisi bilan hamkorlikda tashkil etilgan “TechnoWays“ texnologik rivojlanish marafonining hududiy bosqichiga start berildi.

Unda Samarqand viloyatining iqtidorli o‘quvchi-yoshlari ishtirok etishmoqda. Marafonning ochilish marosimida Toshkent davlat iqtisodiyot universiteti Samarqand filiali direktori, professor Olim Murtazayev, Samarqand viloyati hokimining mahalliy sanoatni rivojlantirish masalalari bo’yicha yordamchisi Nozir Ibragimov va Innovatsiyalar Milliy ofisi bosh direktori o‘rinbosari Akbarxon Sobirxonov nutq so‘zladi. Mazkur marafon doirasida o‘tkazilib kelinayotgan turli xil tadbirlar iqtidorli yoshlarni saralash va ularni birlashtirish uchun muhim omil bo‘lib xizmat qilishi ta’kidlab o‘tildi.

21-24 sentyabr kunlariga qadar davom etadigan Texnologik rivojlanish marafoni doirasida tajribali spikerlar tomonidan ma’ruzalar, treninglar, ma’naviy-ma’rifiy tadbirlar tashkil etilishi kutilmoqda.