TDIU Samarqand filiali Iqtisodiyot fakulteti 101-guruh talabasi Mamarahimov Jamshidning ota-onasiga fakultet dekani tashakkurnomasini guruh rahbari G'.Ibragimov topshirdi. 27-iyun kuni guruh rahbari tomonidan tashakkurnoma talabaning uyida ota-onasiga o'qib eshittirildi va topshirildi. Tashakkurnoma mazmuni quyidagicha edi: "Hurmatli Suvonov Dilshod Mamarahimovich va Suvonova Nargiza Tirkashevna!
Sizlarning farzandingiz, TDIU SF Iqtisodiyot fakulteti 101-guruh talabasi Mamarahimov Jamshid Dilshod o'g'li
fakultetda tahsil olayotgan talabalar oʻrtasida namunali xulqi, ilmga chanqoqligi, jamoat ishlarida faolligi bilan ajralib turadi.  Farzandingizning namunali xulqi, universitet tomonidan tashkil etiladigan jamoat ishlarida faol ishtirokini e’tibor etib, shunday farzand tarbiyalaganingiz hamda bizning Oliy oʻquv muassasini tanlaganlaringiz uchun fakultet rahbariyati Sizlarga  tashakkur bildiradi.   

Fakultet dekani H.I.Turdibekov". Tashakkurnoma topshirish davomida ota-onalar xursandchiliklarini izhor qilishib, fakultet o'qitish tizimi, ustozlar haqida iliq fikrlar bildirib, barcha ustozlarga ham minnatdorchilik bildirishdi. 

Guruhda tashakkurnomalar yana 3 talabalarga ham topshirildi. Ular Abdrimova Mahliyoxon Baxtiyor qizi, Nurmatova Zumira Faxriddinovna va Orziqulova Sultonposhsho Baxriddin qizlaridir. Guruh rahbari va fakultet dekanati barcha talabalarni yanada yaxshi o'qishga chorlaydi va ularni doimiy rag'batlantirib turishga tayyor.