Yurtimizga yoshlik, go‘zallik fasli bahor kirib kelmoqda. An’anaga muvofiq mamlakatimizning har bir hududida mevali va manzarali ko‘chatlar o‘tkazilmoqda.

TDIU Samarqand filiali bog’iga ko‘rk beruvchi manzarali daraxt va buta ko‘chatlari ekish ishlari boshlanib ketdi. “Raqamli iqtisodiyot” yo’nalishi 106-bosqichda tahsil oluvchi bir qator faol talabalar tomonidan “Bir talaba - bir ko'chat” shiori ostida ushbu aksiyaga start berildi.

– Biz 106-guruh talabalari ushbu shior ostida birlashib, oz bo'lsada, o'z Filialimizni obodonlashtirishga o'z hissamizni qo'shmoqchimiz, – deydi 106-guruh talabasi S.Sulaymonov. – Bundan tashqari ushbu shior orqali Universititemizning boshqa talabalarini ham birlashishga chorlaymiz. Ushbu ishimiz orqali nafaqat oliygohimizni va Yurtimizni obodonlashtirishga o'z hissamizni qo'shishimiz balki talabalar ruhida vatanga va tabiatga bo'lgan muhabbatni uyg'otishimiz mumkin. Xalqimizda ajoyib bir maqol bor "Yaxshidan bog' qolar - yomondan dog' qolar" degan, shuning uchun ham biz 106-guruh talabalari kelajak avlod uchun o'zimizdan bog' qoldirmoqchimiz va ushbu hayrli ishga barcha talabalarni chorlab qolamiz!

Hurmatli tengdoshlar, sizlar ham “Bir talaba – bir ko’chat” aksiyasida ishtirok eting.

Madina Namozova