2021-yil 8-fevral kuni IT Park’da Toshkent davlat iqtisodiyot universiteti Samarqand filiali talabalari uchun ekskursiya bo‘lib o‘tdi. Ekskursiya davomida IT Park xodimlari talabalarga tashkilot faoliyati, amalga oshirilayotgan loyihalar va shu kabi boshqa narsalar haqida batafsil ma’lumot berib o‘tdi.

Talabalar IT Park faoliyatiga maksimal darajada qiziqish ko‘rsatdi hamda ekskursiya so‘ngida xodimlar bilan suhbat qurish va ularga tashkilot, umuman IT sohasiga oid o‘zlarini qiziqtirgan barcha savollarni berishga muvaffaq bo‘lishdi.

Eslatib o’tish joizki, O‘zbekiston Respublikasi Prezidentining 2020 yil 28 apreldagi PQ-4699-son qarori bilan tasdiqlangan Dasturiy mahsulotlar va axborot texnologiyalari texnologik parki faoliyatini yanada rivojlantirish bo‘yicha “Yo’l xaritasi”ning 14-bandiga muvofiq, Samarqand viloyatida Dasturiy mahsulotlar va axborot texnologiyalari texnologik parki (IT-Park)ning hududiy filiali ochilgan edi.