Toshkent iqtisodiyot universiteti Samarqand filialida talaba-yoshlarga is gazidan zaharlanish, gaz havo aralashmasi chaqnashini oldini olish va ogohlantirish bo‘yicha tadbir tashkil etildi.

Tadbirni filial ishlar boshqarmasi boshlig‘i A.Safarov ochdi va O‘zbekiston Respublikasi Prezidenti huzuridagi xavfsizlik kengashi kotibining 2020 yil 23 oktyabrdagi 11-2307XFU-son topshirig‘i ijrosini ta’minlash maqsadida filialda talabalar turar joyi, ijarada va yaqin qarindoshlari uylarida istiqomat qiladigan talabalar o‘rtasida is gazidan zaharlanishning oldini olish maqsadida ushbu tadbir zarur ekanligini ta’kidlab o‘tdi.

Shuningdek, tadbirda Samarqand shaxar Favqulodda vaziyatlar bo‘limi inspektori T.Ashurov so‘zga chiqib, statistik ma’lumotlarga ko‘ra respublikada so‘nggi uch yil ichida kuzgi-qishki isitish mavsumida sodir bo‘layotgan favqulodda vaziyatlarning aksariyati is gazidan zaharlanish holatlari bilan bog‘liqligini va uning oldini olish bo‘yicha ko‘rsatmalarga qat’i amal qilishlari kerakligini ta’kidlab o‘tdi.

Tadbir davomida ishtirokchilariga noxush holatlarning oldini olish maqsadida tarqatma materiallar tarqatildi.

Ta’kidlash joizki, filialda tahsil olayotgan talabalarning salomatligini ta’minlash hamda ular ijarada turgan uy sharoiti bilan tanishib borish Yoshlar bilan ishlash, ma’naviyat va ma’rifat bo‘limi hamda guruh rahbarlari tomonidan  muntazam ravishda amalga oshirilib boriladi.