2021 yil 19 yanvar kuni TDIU Samarqand filialining Vaynshtefan-Triezdorf amaliy bilimlar universiteti (Germaniya) bilan hamkorlikda tashkil etilgan qo’shma ta’lim dasturi yo’nalishining 212 va 213-guruh talabalariga “Ta’lim-fan-ishlab chiqarish integratsiyasini ta’minlash” hamda “Marketing va savdo siyosati”, “Ishlab chiqarish iqtisodiyoti”, “Oziq-ovqat va savdo qonunchiligi” kabi mutaxassislik fanlarining amaliy jihatlarini o’rganish maqsadida Payariq tumanida joylashgan “O’zbegim Agro” MCHJ O’zbekiston-Germaniya qo’shma korxonasiga ekskursiya tashkil etildi.
Talabalar ekskursiya davomida ishlab chiqarish jarayonlari va texnologiyalari, marketing xizmatlari, korxona mahsulotlari bozori, sotuv kanallari bilan bog’liq jarayonlar bilan yaqindan tanishdilar.
Talabalarning savollariga korxona mutaxassislari tomonidan javoblar berildi.