Bugun Germaniyaning Vaynshtefan-Triezdorf amaliy bilimlar universiteti bilan hamkorlikdagi qo’shma dasturining 2-bosqich 212 va 213-guruhlarida tahsil oluvchi talabalari fan dasturiga muvofiq “Ishlab chiqarish iqtisodiyoti” fanidan berilgan mustaqil ta’lim mavzularini Poster prezentatsiyasi (Poster presentation) shaklida topshirdilar. O'quv tadbiri yakunida talabalar bir-birlari bilan mavzular bo’yicha fikr almashdilar, muhokama va xulosa qildilar.
Ma’lumot o’rnida: 
Poster prezentatsiyasi - bu sizga berilgan mavzu bo’yicha o’qib-o’rgangan bilimlaringiz, izlanishlaringiz va tushunchalaringizni qisqa va ixcham shaklda boshqalarga yetkazish usuli. Odatda u ikkita elementni o'z ichiga oladi: 1.Poster .  2.Qisqacha tushuntirish (odatda 3 daqiqa vaqt beriladi).
Siz ma'lumotlar va g'oyalarni tahlil qilishingiz, baholashingiz hamda mavzuni qay darajada tushunganingizni ijodiy namoyish qilishingiz kerak bo'ladi. Garchi talabalar Poster taqdimotlarini oson deb hisoblasalar-da, aslida ular juda ko'p fikrlashni va tayyorgarlikni talab etadi. Mustaqil ta’lim olishda poster prezentatsiyasi talabalarning ko’proq izlanishlari, ma’lumotlarni tanlash va tahlil qilishlari, mavzuni chuqurroq tushunishlariga undaydi.

​