Odatda ko‘pgina grantlar, dasturlar Germaniya uchun keladi. Xo’sh, nega aynan Germaniyada grantlar ko‘p?
Birinchidan, nemislarning faol va izlanuvchan talabalarni dunyo bo‘ylab izlash va ularni rag‘batlantirishga bo‘lgan e’tibori yuqoridir. Ikkinchidan, deyarli barcha ta’lim bepul. Uchinchidan, talabalarni moddiy rag‘batlantirish asosida nemis tilining dunyo bo‘ylab yoyilishini ta’minlash va iqtidorli talabalarni qulay infratuzilmaga ega bo‘lgan kompaniyalarda ishlatishni maqsad qilishadi. Shunday dasturlardan biri mashhur va har tomonlama qulay bo‘lgan DAAD (Deutscher Akademischer Austauschdienst yoki inglizcha German Academic Exchange Service) dasturi hisoblanadi. Har yili dunyo bo‘ylab, ko’plab yo‘nalishlar bo‘yicha 100000 dan ortiq talabaga DAAD stipendiyasi tarqatiladi.

Bugun Toshkent davlat iqtisodiyot universiteti Samamrqand filialida ham DAAD lektori Anton Umbach bilan yuzma-yuz muloqot tashkil etildi. Unda filialning Iqtisodiyot (oziq-ovqat tizimlarini boshqarish) ta’lim yo’nalishi bo’yicha Germaniyaning Vaynshtefan-Triezdorf amaliy bilimlar universiteti bilan hamkorlikdagi qo’shma dasturining 1 va 2-bosqich talabalari hamda qiziquvchilar ishtirok etdilar. Anton Umbach Germaniya akademik almashinuv dasturi bo’yicha prezentatsiya qildi. Uchrashuv yakunida talabalar o’zlarini qiziqtirgan savollariga javob olishdi. Uchrashuv erkin va samimiy tarzda o’tdi.