Masofaviy ta’limda talabalar ta’lim olishayapdimi? 

Yurtimizni ham chetlab o’tmagan pandemiya, Covid-2019 virusi tarqalishini oldini olish maqsadida barcha oliy ta’lim muassasalari masofaviy ta'lim tizimiga o’tganidan xabaringiz bor. Masofaviy ta’lim platformasini to’la qonli shakllantirish va unda talabalarning doimiy ishtirokini ta’minlash maqsadida Toshkent davlat iqtisodiyot universiteti Samarqand filiali jamoasi kuchli nazoratni qo’lga olishgan bo’lib buning samarasi raqamlarda yaqqol aks etadi. Ushbu hafta boshida moodldan foydalanib, darslarda ishtirok etgan talabalar - 83,41% ni tashkil etdi. 

 Filial talablarining moodl tizimiga tashrifini oshirish, darslarda talaba-yoshlarning muntazam ishtirokini ta’minlash maqsadida filial professor-o’qituvchilari tomonidan amalga oshirilgan chora tadbirlar natijasi o’laroq ko’rsatkich 91,93% ga yetdi. Talablarning darslarga bo’lgan mas'uliyatini oshganligidan darak beruvchi ushbu raqamlar hafta davomida o’sishda davom etdi.

Uzoq tuman va viloyatlarda, chekka qishloqlardagi internet aloqasi bilan bo’lgan muammo sabab ayrim talabalar darslarda muntazam ishtirok etisha olmayotganini e’tiborga olgan holda ,o’quv materiallari; video, audio va pdf materiallar masofaviy ta’lim platformasiga bir kun oldin joylashtirilmoqda.

Jumladan filialda o’qitiladigan barcha fanlardan o’quv qo’llanmalari, kitoblarning o’quv yil boshlanishi bilan 100% elektron varianti tayyorlanganligi qo’shimcha noqulayliklarni oldini olishga xizmat qilmoqda.

Barcha imkoniyatlardan foydalangan holda bor bilim va mashaqqatini sarflayotgan filial professor-o’qituvchilari talabalardan faqat darslarga e’tiborli bo’lishni va doimiy masofaviy darslarda ishtirok etishini hamda berilayotgan vazifalarni o’z vaqtida topshirishlarini so’rab qoladi.

Kelajak bugun qattiq mehnat qilganlarniki ekan, siz bugun mavjud shart sharoitlardan unumli foydalangan holda buyuk kelajagingizni pilla poyalarini mustahkam qurishimiz zarur. Zalvarli hafta moodldan tashkil etilayotgan darslarda muntazam ishtirok etayotgan talabalarning quyidagi 92.38% ko’rsatkichi bilan yakunlandi