Toshkent davlat iqtisodiyot universiteti Samarqand filialida yangi o'quv yilida 1-sonli "Kengash yig'ilishi" bo'lib o'tdi.
2024-yil 28-avgust kuni soat 10:00 da “A” bino majlislar zali(203-xona)da Toshkent davlat iqtisodiyot universiteti Samarqand filiali Kengashining 2024/2025 o'quv yilida 1-sonli yig‘ilishi tashkil etildi. Ushbu yig'ilishda filial direktori, professor O. Murtazayev hamda filial mas'ul xodimlari, professor-o'qituvchilari ishtirok etishdi.
Ushbu yig'ilishda quyidagi masalalar bo'yicha mas'ul xodimlarning nutqlari tinglandi:
- Filialning yangi 2024/2025 o‘quv yilida amalga oshirilishi zarur bo‘lgan eng muhim vazifalari hamda Kengashning yangi o‘quv yili uchun ish rejasini, Kengash tarkibini va boshqa jamoatchilik kengashlarining ish rejalarini tasdiqlash to‘g‘risida axborot- Filial direktori O.Murtazayev.
- Filialda Prezident qarorlari, Farmonlari, Vazirlar Mahkamasining qarorlari, Oliy taʼlim, fan va innovatsiyalar vazirligi va boshqa vazirliklar buyruqlari, Hayʼat qarorlari, filial qarorlari bajarilishi hamda ijro intizomiga rioya qilishning holati to‘g‘risida axborot- Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i N.J.To‘xtamurodova.
- O‘zbekiston Respublikasi mustaqilligining 33 yilligi bayramini munosib kutib olish hamda yangi 2024/2025 o‘quv yilida ma’naviy-ma’rifiy ishlarning filial oldida turgan ustuvor vazifalari hamda ish rejalarini belgilab olish to‘g‘risida-Yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari X.I.Turdibekov.
- Filialda yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo‘yicha chora-tadbirlar dasturi (“Yo‘l xaritasi”)ga asosan 2024/2025 o‘quv yiliga tayyorgarlik holati to‘g‘risida - O‘quv ishlari bo‘yicha direktor o‘rinbosari F.B.Axrorov.
- Filialda ilmiy-tadqiqot ishlari va innovatsion g‘oyalarni tijoratlashtirish, shuningdek, yangi 2024/2025 o‘quv yilida ilmiy va innovatsion ishlar bo‘yicha ustuvor vazifalarni rejalashtirish to‘g‘risida- Ilmiy ishlar va innovatsiyalar boʻyicha direktor oʻrinbosari Z.X.Abdullayev.
- Direktor o‘rinbosarlari, dekanlar, bo‘limlar, kafedralarning 2024/2025 o‘quv yiliga mo‘ljallangan ish rejalari, ishchi o‘quv reja, o‘quv jarayoni grafigi, fan dasturlari, o‘quv-uslubiy majmualar, sillabuslar, dars jadvallari, professor-o‘qituvchilarning o‘quv yuklamalari va shaxsiy ish rejalari hamda boshqa zaruriy hujjatlarni tasdiqlash-Kengash kotibi Z.Mallayev.
- Filialda 2023-2024 o‘quv yilida malaka amaliyotlari o‘tkazilganligi haqida hisobot- Kafedra mudirlari U.Ubaydullayev, O.Pardayeva, R. G‘aybullayev, M.Mardanov.
- Toshkent davlat iqtisodiyot universiteti Samarqand filialining “Tabiiy, ijtimoiy fanlar va jismoniy madaniyat”, “Raqamli iqtisodiyot va axborot texnologiyalari”, “Yashil iqtisodiyot va barqaror biznes”, “Buxgalteriya hisobi va statistika”, “Moliya, soliq va bank ishi” kafedrasi assistent o‘qituvchilarga maʼruza darslarini o‘tishga hamda ilmiy faoliyatga yo‘naltirilgan professor-o‘qituvchilarga kamaytirilgan o‘quv yuklamasini bajarishga ruxsat berish to‘g‘risida - Kafedra mudirlari (U.Xudayarov, U.Ubaydullayev, O.Pardayeva, M.Mardonov, R.G‘aybullayev)
- Toshkent davlat iqtisodiyot universiteti Samarqand filiali “Raqamli iqtisodiyot va axborot texnologiyalari” kafedrasi v.b dotsenti, texnika fanlari bo‘yicha falsafa doktori (PhD) Giyosov Ulug‘bek Eshpulatovichni, Oliy ta'lim, fan va innovatsiyalar vazirligi huzuridagi Innovatsion rivojlanish agentligi va Janubiy Koreyaning Yonsei universiteti Seamless TransX laboratoriyasi bazasida 3oylik ilmiy stajirovka ilmiy hisoboti.
Shuningdek, yig'ilish davomida: Taniyev Ahmadjon Bahromovich 08.00.07 – «Moliya, pul muomalasi va kredit» ixtisosligi bo‘yicha professor ilmiy unvoni, Eshonqulov Laziz Norqobul o‘g‘li 09.00.02 – “Ong, madaniyat va amaliyot shakllari falsafasi” ixtisosligi bo‘yicha dotsent ilmiy unvoni, Baratov Sadulla Norjigit o'g'li 08.00.07 – «Moliya, pul muomalasi va kredit» ixtisosligi bo‘yicha iqtisodiyot fanlari bo'yicha falsafa doktori (PhD) ilmiy darajasi hamda Yazdanova Sohiba Qurbonovna 09.00.04-ijtimoiy falasafa ixtisosligi bo‘yicha fan doktori (DSc) ilmiy darajasi bilan taqdirlanishdi.
Ushbu kengash yig'ilishida asosan kun tartibidan o'rin olgan yuqoridagi masalalar hamda qo'shimcha savol, takliflar va murojaatlar o'rin egalladi.
