Bugun, 25-avgust kuni, Oliy ta’lim, fan va innovatsiyalar vaziri Qo‘ng‘irotboy Sharipov yangi 2024/2025-o‘quv yiliga tayyorgarlik jarayonlarini nazorat qilish maqsadida Toshkent davlat iqtisodiyot universiteti Samarqand filialiga tashrif buyurdi. Tashrif davomida u ta’lim muassasasining hududida olib borilayotgan bunyodkorlik ishlari bilan yaqindan tanishdi.
Vazir tashrifi davomida davlat-xususiy sherikchilik asosida qurilgan 400 o‘rinli talabalar turar joyi, o‘quv binolari, auditoriyalar, axborot-resurs markazi va boshqa inshootlarning yangi o‘quv yiliga tayyorgarlik holatini ko‘zdan kechirdi. Tashrif yakunida mas’ullarga tegishli ko‘rsatmalar berdi.
