Toshkent davlat iqtisodiyot universiteti Samarqand filialida ikkinchi mutaxassislik bo‘yicha talabgorlar bilan suhbat o‘tkazildi.

Toshkent davlat iqtisodiyot universiteti Samarqand filialida 2024-2025-o‘quv yili uchun ikkinchi mutaxassislik ta’limiga talabgorlar bilan uchrashuv o‘tkazildi. Tadbirda filial rahbariyati vakillari, jumladan, filial direktori, professor O. Murtazayev, o‘quv ishlari bo‘yicha direktor o‘rinbosari F. Ahrorov, korrupsiyaga qarshi kurashish va “Komplaens nazorat” tizimini boshqarish bo‘limi bosh mutaxassisi A.Axmedov va boshqa ma’sullar ishtirok etishdi. Uchrashuv davomida ikkinchi oliy ta'lim olish jarayonlari, to‘lov-kontrakt asosida amalga oshirilishi, va qabul parametrlari haqida talabgorlarga batafsil ma'lumot berildi. Filial rahbariyati ta'lim olish sharoitlari, zamonaviy o‘quv jarayonlari va talabalarga yaratilgan imkoniyatlar to‘g‘risida so‘z yuritib, ikkinchi oliy ta'limni olish zamonaviy bilim va ko‘nikmalarni oshirishda muhim ahamiyatga ega ekanligini ta'kidladi. Ma'lumot uchun: Ikkinchi va undan keyingi oliy ta’lim bo‘yicha o‘qitish to‘lov-kontrakt asosida amalga oshiriladi. Qabul parametrlari oliy ta’lim muassasasining ilmiy-pedagogik salohiyati va moddiy-texnik bazasi hisobga olinib, muassasa tomonidan belgilanadi. Uchrashuv talabalarga o‘zlarini qiziqtirgan savollarga javob olish va kelajakdagi ta'lim jarayonlariga oid tushuncha hosil qilish uchun imkoniyat yaratdi.