Texnikumlarni muvaffaqiyatli bitirgan talabalarni suhbat asosida 2-bosqichga qabul qilish bo’yicha suhbat bo’lib o’tdi.

2024-yil 16-avgust kuni Toshkent davlat iqtisodiyot universiteti Samarqand filialida Texnikumlarni muvaffaqiyatli tamomlagan bitiruvchilarni bakalavriat ta’lim yo’nalishlariga suhbat asosida 2-bosqichdan oʻqishga qabul qilish boʻyicha Suhbat jarayonlari boʻlib oʻtmoqda. 

Mazkur suhbatlarda O‘zbekiston Respublikasi Vazirlar Mahkamasining 2022-yil 11-yanvardagi 17-son qarori bilan tasdiqlangan “Texnikumlarni muvaffaqiyatli tamomlagan bitiruvchilarni oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish tartibi to‘g‘risida” Nizomga asosan, komissiya aʻzolari tomonidan nomzodlarga mamlakatda oʻz sohasiga oid amalga oshirilayotgan islohotlarning mohiyati, taʼlim yoʻnalishini tanlashdagi motivatsiya, shaxsiy-kasbiy xususiyatlar yuzasidan savollar berilmoqda. 

Suhbat jarayoni shaffofligini ta'minlash maqsadida jarayon YouTube orqali jonli namoyish etilmoqda. Talabgorlarni qo'llab-quvvatlash uchun kelgan oila a'zolari va boshqa hamrohlar maxsus Suhbat jarayonini kuzatish uchun tayyorlngan xonada kuzatuv yo'lga qo'yilgan.

Baholash meʼzonlariga ko‘ra, ballarning oʻrtachasi 67  va undan yuqori boʻlganda talabgor suhbatdan oʻtgan hisoblanadi. Qayd etish lozim, filialning 4 ta’lim yo‘nalishlariga 26 nafar nomzod hujjat topshirgan.