TDIU Samarqand filialida korrupsiyaga qarshi kurashish bo’yicha yig’ilish bo’lib o’tdi.

Davra suhbatida filial direktori, professor O. Murtazayev, rahbariyat vakillari, bo'lim boshliqlari hamda o'qituvchi va xodimlar ishtirok etishdi. Yig'ilish davomida korrupsiya va uning yuzaga kelish sabablari, oqibatlari va oldini olish bo‘yicha olib borilayotgan chora-tadbirlar haqida keng qamrovli tushunchalar berildi. Tadbir ishtirokchilari, ya'ni filial xodimlari va professor-o'qituvchilar, orasida korrupsion holatlarga yo‘l qo‘ymaslik, 2024-2025 o‘quv yili uchun qabul jarayonlarini adolatli va shaffof o‘tkazish bo‘yicha batafsil ko‘rsatmalar berildi. 

Shuningdek, suhbat davomida kelgusi o‘quv yilida TDIU va filial o‘rtasidagi hamkorlikni yanada rivojlantirish, filial talabalarining xalqaro va respublika miqyosidagi turli tanlov va musobaqalarda faol ishtirokini ta’minlash, ilmiy-amaliy konferensiyalardagi ishtirokni sezilarli darajada oshirish, ta’lim sifatini yuksaltirish, o‘quv-uslubiy sohadagi ishlanmalarni yaxshilash va o‘quv adabiyotlari bilan ta’minlash hamda tyutorlar faoliyati samaradorligini oshirish bo‘yicha fikr-mulohazalar tinglandi. 

Bu davra suhbati nafaqat korrupsiyaga qarshi kurashish masalalariga, balki universitet va filial o‘rtasidagi hamkorlikni mustahkamlash, ta’lim sifatini oshirish va talabalarning ilmiy-amaliy faoliyatlarini qo‘llab-quvvatlashga qaratilgan muhim qadam bo‘ldi.