TDIU Samarqand filiali bitiruvchilariga diplom topshirish marosimi bo'lib o'tdi.
Toshkent davlat iqtisodiyot universiteti Samarqand filialida joriy yildagi bitiruvchilariga 2024-yil 11-iyul  kuni tantanali ravishda diplom topshirish marosimi bo‘lib o‘tdi.

Toshkent davlat iqtisodiyot universiteti Samarqand filialida oliy ta’lim tizimining eng muhim bo‘g‘ini – bakalavriat va magistratura mutaxassisligini o‘quv yilining 2020- 2024-yil bitiruvchilariga bakalavriat va magistrlik diplomini topshirish maqsadida tantanali madaniy–ma’rifiy tadbir bo‘lib o‘tdi.

Tadbirni Toshkent davlat iqtisodiyot universiteti Samarqand filiali o‘quv ishlari bo‘yicha direktor o‘rinbosari, dotsent Farxod Аxrorov bitiruvchi talabalar va magistrlar hamda ularning ota-onalarini qutlar ekan, o‘z mutaxassisliklari bo‘yicha bilimlarni egallab katta hayotga qadam qo‘yayotgan bayram sababchilariga muvaffaqiyatlar tiladi.

Bundan tashqari, tantanali madaniy–ma’rifiy tadbirda filial Ta’lim tizimini nazorat qilish bo‘lim boshlig'i Ganiev Ibrohim, kafedra dekanlari ma’naviy-ma’rifiy ishlar bo‘lim boshliqlari, bitiruvchi talabalarining ota-onalari, oila a’zolariga oliy taʼlim tizimida bakalavr va magistratura bosqichining o'rni va ahamiyati haqida batafsil toʼxtalib, uzoq va mashaqqatli, ayni paytda sharafli ilm yoʼlini bosib oʼtgan yoshlarni tabrikladi.

Qayd etish joizki, TDIU Samarqand filialini 2020-2024 o‘quv yilida bakalavriat bosqichini 342 nafar talaba-yoshlar tamomlab bakalavr diplomini oldilar. Ulardan 3 nafari imtiyozli bakalavr diplomi bilan taqdirlanishdi. Shuningdek, magistratura bosqichida 6 nafar talaba mutaxassislik diplomini olishga muyassar bo’ldilar.

Tadbir davomida filial bitiruvchilari va ularning ota-onalari qalbdagi ezgu so‘zlarini aytib filial rahbariyatiga o’z minnatdorchiliklarini bildirdilar.

Oq yo‘l sizga qadrli bitiruvchilar!