Filialimiz xodimi xalqaro uyushma ekspertligiga qabul qilindi

Toshkent davlat iqtisodiyot universiteti Samarqand filiali Taʼlim sifatini nazorat qilish bo‘limi boshlig‘i,  G‘aniyev Ibragim Mamadiyevich 2024 yil 9-16 iyun kunlari Ispaniyaning Valyadolid va Saragosa shaharlarida o‘tkazilgan xalqaro konferensiyada (Cash Crop Conference 2024 - Spain June 9th-13th Valladolid & Post conference tour 14th-16th Zaragoza) ishtirok etdi. Konferensiyada 15 dan ortiq mamlakatlarning olimlari, korxona va tashkilot rahbarlari hamda qishloq xo‘jaligi ishlab chiqarish zanjirining turli mutaxassislari ishtirok etishdi.

Konferensiya Germaniyaning Tyunen (Federal ilmiy-tadqiqot instituti) va Ispaniya qishloq xo‘jaligi, baliqchilik va oziq-ovqat vazirligi hamkorligida o‘tkazilib, unda  qishloq xo‘jaligi iqtisodchilari, rahbarlari, ishlab chiqaruvchilari va qishloq xo‘jaligi qiymat zanjirining boshqa muhim sohalari xodimlari ishtirok etdi. Ular AGRIBENCHMARKING notijorat global tarmog‘ini vujudga keltirish asosida qishloq xo‘jaligi ishlab chiqarigi samaradorligini oshirish va xarajatlarni kamaytirish, raqobatli ishlab chiqarish imkoniyatlariga doir qator mavzularni muhokama qilishdi.

Konferensiya yakunida G‘aniyev Ibragim Mamadiyevich AGRIBENCHMARKING notijorat global tarmog‘i ekspertligiga qabul qilindi.