Toshkent davlat iqtisodiyot universiteti Samarqand filiali Xalqaro CEO Kongressida ishtirok etmoqda

Joriy yilning 5-7 iyul kunlari Qozog‘istonda Toshkent davlat iqtisodiyot universitetining Samarqand filiali hamkorligida Xalqaro CEO (Kommunikatsiya, Iqtisodiyot, Tashkilotlar) Kongressi bo‘lib o‘tmoqda. Bu yilgi kongressda 32 mamlakatdan 403 nafar olimlar o‘z ilmiy tadqiqotlari bilan ishtirok etdilar.

Filial direktori o‘rinbosari Farhod Axrorov kongressni ochilish marosimida ishtirok etib, tashkilotchilarga minnatdorchilik bildirdi va xalqaro hamkorlik hamda hamjihatlikning muhimligini taʼkidladi. U o‘z nutqida filialning ustuvor yo‘nalishlaridan biri bo‘lgan barqaror rivojlanish va iqtisodiy strategiyalar haqidagi ilmiy ishlanmalar bilan o‘rtoqlashdi.

Kongress davomida Farhod Axrorov filial nomi bilan bir qator muhim mavzulardagi sessiyalarga rahbarlik qiladi. Ushbu tadbirda filialimiz olimlarining barqaror qishloq xo‘jaligi va organik yetishtirish sohasidagi ilmiy tadqiqotlari katta qiziqish uyg‘otdi.

Mazkur kongress ilm-fan va taʼlim sohasidagi global hamkorlikning yorqin namunasi sifatida xizmat qiladi. Filialimiz uchun ushbu tadbirda ishtirok etish, xalqaro hamjamiyat bilan ilmiy aloqalarni mustahkamlash va yangi tajribalarni o‘rganishda muhim ahamiyat kasb etdi.

Toshkent davlat iqtisodiyot universitetining Samarqand filiali xalqaro ilmiy tadbirlarda faol ishtirok etish va o‘z ilmiy ishlanmalari bilan butun dunyoga tanilishni davom ettiradi. Bizni kuzatishda davom eting va bizning yangiliklarimizdan boxabar bo‘ling!