Qurbon hayiti munosabati bilan Toshkent davlat iqtisodiyot universiteti Samarqand filiali direktori tabrigi.

Аssalomu alaykum hurmatli hamkasblar, aziz talaba-yoshlar!

Islom dunyosining axloqiy, ma'naviy-marifiy, diniy va dunyoviy markazlaridan bo'lgan yurtimizda ham muborak Qurbon hayiti keng miqyosda har yili nishonlanadi. Ushbu bayram bilan xalqimizni, muslim va muslimalarni chin yurakdan muborakbod etaman.

Qurbon hayiti – ulug' bayram. Shuning uchun bu kunni yaqinlarimizni yo'qlab ularning holidan xabar olish, yoshi ulug'larni ziyorat qilish, muhtojlarga mehr-muruvvat ko'rsatish, oilalarga xursandchilik ulashish va bayramning ko'rkiga ko'rk qo'shadigan amali solihlar bilan o'tkazish maqsadga muvofiqdir. Hayit kunlarini g'animat bilib, barcha gina-kuduratlarni unutib, kechirimli bo'lish musulmon kishiga xos bo'lgan go'zal fazilatlardandir.
Ushbu muborak ayyomda davlatimiz rahnamoligida yurtimiz ravnaqi, diyorimizning osoyishtaligi, xalq farovonligi yo'lida olib borilayotgan barcha xayrli ishlarda Yaratganning o'zi madadkor bo'lishini so'rab qolamiz. 
Muborak Qurbon hayiti munosabati bilan siz azizlarni  samimiy muborakbod etaman!
Mehribon Alloh taolo barcha ibodatlarimizni qabul aylab, ezgu maqsadlarimizni amalga oshirishda O'zi madadkor bo'lsin. Qurbon hayitining fayzu barakoti qalblarimizni va xonadonlarimizni munavvar aylasin!

Islom dunyosining  katta bayramlaridan biri sanalgan ushbu bayramda, siz azizlarga baxt-saodat, mehr-oqibat, sihat-salomatlik, tinchlik-xotirjamlik tilab qolaman.

TDIU Samarqand filiali direktori, professor O.Murtazayev.