Joriy yilning 8- iyun sanasida Toshkent Davlat Iqtisodiyot Universiteti Samarqand filialiga Oliy ta’lim, fan va innovatsiyalar vazirining birinchi o‘rinbosari Daliyev Shoxrux Hojiakbarovich boshchiligida ishchi guruh tashrif buyurdi.

Mazkur tashrifdan maqsad yangi 2024-2025 o‘quv yiliga hamda qabul jarayoniga tayyorgarlik holatini o‘rganish bo‘lib, tashrif davomida filialda talabalar ta’lim olishi uchun yaratilgan sharoitlar, o‘quv binolari, auditoriya va laboratoriyalar, talabalar turar joylarining yangi 2024-2025 o‘quv yiliga tayyorlash bo‘yicha olib borilayotgan ishlar o‘rganildi. Shuningdek, ishchi guruh 2024-2025 o‘quv yili qabul jarayonida abituriyentlar va ularning ota-onalari uchun yaratilgan sharoitlar, kasbga yo‘naltirish xonalari, maslahat markazi faoliyati va boshqa yaratilgan sharoitlar ko‘zdan kechirildi. Tashrif davomida mas’ullarga mavjud imkoniyatlardan samarali foydalanish o‘quv jarayonlarini yanada takomillashtirish bo‘yicha yo‘l-yo‘riqlar va ko‘rsatmalar berildi. 

Shuningdek, vazir o‘rinbosari  talaba va o‘qituvchilar bilan uchrashib, ularning fikr-mulohazalari bilan tanishdi va o‘quv jarayonidagi muammolarni hal qilish bo‘yicha tavsiyalar berdi.