Akademik qarzdor talabalar diqqatiga!

Ariza yuborish 2024-yil 10-iyundan 29-iyungacha (shu kuni ham) qabul qilinadi. Agar ta’til vaqtida o‘zlashtirmagan (akademik qarzdor) fanlarni o‘z hisobingizdan qayta o‘qimoqchi bo‘lsangiz HEMIS platformasida “QAYTA O‘QISH” bo‘limidagi “ARIZA QAYTA O‘QISH” punktiga kirib ariza yuboriladi.

Akademik qarzdor talabalar kontrakt.edu.uz saytida shaxsiy kabinetiga kirib Kredit modul bo‘limidagi arizam punktidan akademik qarzdor fanlarini tanlagan holda ariza yuboradi. Kredit modul bo‘limidagi shartnoma pukntida 1 kun muddatda shartnomalarshakllantiriladi.

Akademik qarzdorlik boʻyicha shartnomalarni olish va kredit to‘lovlarini filial hisob raqamiga o‘tkazish 2024-yil 1-iyuldan 10-iyulgacha (shu kuni ham) amalga oshiriladi. 

Yozgi semester 2024-yil 22-iyuldan 17-avgustgacha dars jadvali asosida tashkil etiladi.

Qo‘shimcha savollar bo‘yicha:

Iqtisodiyot fakulteti boʻyicha, I.S.Shukurov (93-343-07-13)

Buxgalteriya hisobi va moliya fakulteti boʻyicha Gʻ.T.Yuldashev (97-914-60-05)

Qoʻshma ta’lim dasturi ta’lim yoʻnalishlari boʻyicha Sh.Yuldashev (94-170-70-55)

larga murojaat qilishingiz mumkin.

Ariza yuborish va shartnomani olish masalasi bo‘yicha buxgalteriya bo‘limi (D-bino 117-xona Orzubek Fatoyev Tel: 93-347-58-67

Telegram: (https://t.me/FattoyevOX )) ga murojaat qilishingiz mumkin.

Eslatma: O‘zbekiston Respublikasi Vazirlar Mahkamasining 2020-yil 31-dekabrdagi 824-son qarori 8-bob 41-qismiga asosan, bir fanga ajratilgan auditoriya soatining 25 foizini va undan ortiq soatni sababsiz qoldirgan talaba ushbu fandan chetlashtirilib, yakuniy nazoratga kiritilmaydi hamda mazkur fan bo‘yicha tegishli kreditlarni o‘zlashtirmagan hisoblanadi. Yakuniy nazorat turiga kiritilmagan yoki sababsiz kirmagan, shuningdek ushbu nazorat turi bo‘yicha qoniqarsiz baho olgan talaba akademik qarzdor hisoblanadi. Akademik qarzdor talaba ta’til vaqtida yoki keyingi semestrlar moboynida tegishli fanlardan o‘zlashtirilmagan “kreditlar” miqdoriga mos ravishda bazaviy to‘lov-kontrakt miqdoridan kelib chiqqan holda to‘lovni amalga oshirgandan so‘ng o‘zlashtirilmagan fanlarni o‘z hisobidan qayta o‘qish huquqiga ega. Filial talabalarini kursdan kursga o‘tkazishda GPA ko‘rsatkichi 2,8 va undan yuqori bo‘lishi talab etiladi. GPA ko‘rsatkichi o‘tish ballini to‘play olmagan talaba qayta o‘qish uchun tegishli kursda qoldiriladi.