Toshkent davlat iqtisodiyot universiteti Samarqand filialida xorijiy oliygoh vakillari bilan uchrashuv tashkil etildi.
Toshkent davlat iqtisodiyot universiteti Samarqand filiali vakillari va Ruminiyaning Oradea Universiteti professorlari Oradea Universiteti Ijtimoiy fanlar fakulteti dekani, professor Alina Badulescu va professor Daniel Badulescular o‘rtasida uchrashuv bo‘lib o‘tdi. Uchrashuvda universitetlarimizning hamkorlik aloqalarini yo‘lga qo‘yish va rivojlantirish masalalari muhokama qilindi. Jumladan, kelgusida universitetlarimiz professor-o‘qituvchilari ishtirokida qo‘shma ilmiy konferensiyalar tashkil qilish va maqolalar chop qilish, filial professor-o‘qituvchilarni Yevropadagi universitetga malaka oshirish va ilmiy stajirovkalarga yuborish, Erasmus+ dasturlari doirasida talaba va o‘qituvchilar almashinuvini tashkil qilish hamda boshqa bir qator hamkorlikdagi ishlarni amalga oshirishga kelishib olindi.