Oʻzbekiston Respublikasi Prezidentining 2024-yil 16-apreldagi “9-may – Xotira va qadrlash kuniga bagʻishlangan tadbirlarga tayyorgarlik koʻrish va uni oʻtkazish chora-tadbirlari” toʻgʻrisidagi qarori 1-ilovasi bilan tasdiqlangan Dasturda belgilangan vazifalarning ijrosini taʼminlash maqsadida Toshkent davlat iqtisodiyot universiteti Samarqand filialida joriy yilning 7-may kuni filial jamoasi tomonidan oliy ta’lim tizimida uzoq yillar samarali faoliyat olib borgan mehnat faxriylari bilan davra suhbati tashkil etildi. Jumladan, “Yashil iqtisodiyot va barqaror biznes” kafedrasining sobiq dotsenti, mehnat faxriysi Davlat Raxmonov  bilan dildan qilingan suhbat asnosida, filial direktori professor O.Murtazaevning bayram sovg‘alari hamda uning qalamiga mansub “Hayot ummoni” nomli she’riy kitobi taqdim etildi. 
Tadbirda faxriylar hayot va xizmat yillari haqida yoshlarga so‘zlab berishdi. Mamlakatimizda Yangi O‘zbekistonni va Uchinchi Renessans poydevorini barpo etish borasida amalga oshirilayotgan tub o‘zgarishlar va islohotlarning maqsadi, mazmun-mohiyati hamda ustuvor yo‘nalishlari, milliy taraqqiyot istiqbollari haqida yoshlarga tushunchalar berildi.