Konferensiyaning birinchi sessiyasida  sessiya raisi Farhod Axrorov boshchiligida  ochilish marosimi sifatida  “Markaziy Osiyoda barqaror mintaqaviy rivojlanish” mavzusida Toshkent davlat iqtisodiyot universiteti rektori Teshaboyev To‘lqin TDIU Samarqand filiali direktori, professor Olim Murtazayev,  Xalqaro Mintaqaviy Ilmiy Uyushma (RSAI), KTH Qirollik Texnologiya Instituti va Xalqaro Mintaqaviy Ilmiy uyushma prezidenti Xans Vestlund, rivojlanish tadqiqotlari maktabi, Tata ijtimoiy fanlar institutidan Abdul Shabanlar o’z taqdimot ma‘ruzalari bilan ishtirok etishdi. Undan so‘ng esa professor Xans Vestlundning “Pandemiyadan keyin globallashuv, globallashuvga qarshi va shahardan keyingi shahar–mintaqalar” mavzusidagi chiqishi bilan davom etdi. Rivojlanish tadqiqotlari maktabi direktori Abdul Shaban Urbanizatsiya va iqtisodiy o‘sish haqida mamlakatlar misolida ko‘rsatib sessiyani yakunladi. Sessiyada ishtirok etgan mehmonlar, professor–o‘qituvchilar va talabalar o‘rtasida qiziqarli savollar va muhokama suhbatlari bo‘lib o‘tdi.  Konferensiya 16 dan ortiq(Ispaniya, Italiya, Portugaliya, Pokiston, Hindiston,  AQSH, Bangladesh, Misr, Qirg'iziston, Ispaniya, Shvetsariya, Qozog'iston, Vengriya, Janubiy Koreya, Yaponiya va qo'shni Tojikiston) davlatlaridan mehmonlar va mamlakatimizdagi oliy ta'lim muassasalari vakillari, ilmiy soha izlanuvchilari ishtirokida juda ham qizg'in muhokamalar bilan davom etdi. Do'stona samimiy suhbatlarga boy bo'lgan “coffee break” tanaffuslardan so'ng kunning ikkinchi sessiyasi  Bobur Sobirov rahbarligida “Mintaqaviy tahlildagi so'ngi o'zgarishlar” mavzusiga bag'ishlangan holda, San-Paulo universiteti vakili Eduardo Haddad ning Amazon o'rmonlari kesilishing iqtisodiy omillariga bag'ishlangan taqdimoti bilan boshlandi. Joylarda  mintaqaviy tahlil olib borar ekanmiz, mamlakatlarning geografik yaqinligi va texnologik darajasining o‘xshashligi muhim omillardan bo'lib qoladi va xuddi shu mavzu borasida  professor Fernando Perobelli (Braziliya)  o'zining ilmiy yondashuvlari bilan fikr bo'lishdi va bu butun tadbir ishtirokchilariga manfaatli bo'ldi. Ispaniya Alikante universitetidan doktor Mario Guillo Lopez  tomonidan barqaror rivojlanishda Prognoz va yangicha raqamli yondashuvlar bilan ishlashning ustun jihatlari hamda shu sohada Yevropa mamlakatlarining 2040-2050 yillargacha bo'lgan strategiyalar jamlanmasi taqdim etildi va ishtirokchilarda keng tushunchalarni hosil qilishga yordam berdi.  mintaqalar rivoji uchun fazoviy birlikning ahamiyati ham juda katta bo‘lganligi uchun, ''Geografik axborot tizimlarida (GIS) va fazoviy tahlilda fazoviy birliklar ma'lumotlarni tartibga solish va vizualizatsiya qilish, fazoviy modellashtirish va fazoviy naqshlarni aks ettirish uchun xaritalarni yaratishda hal qiluvchi rol o'ynaydi. Fazoviy birliklarni aniqlash va chegaralash orqali tadqiqotchilar ma'lum bir hududda fazoviy munosabatlarni, fazoviy avtokorrelyatsiyani va fazoviy heterojenlikni o'rganishlari mumkin.‘‘ deydi Ovyeda universiteti amaliy iqtisodiyot kafedrasi professori Dr. Anna Vinuella. Kunning uchinchi yarmi xorijlik mutaxassislar taqdimot xonalariga  bo‘lingan holda konferensiya ishtirokchilari ilmiy ishlari himoyasi bo‘lib o‘tdi va feedback, yakuniy xulosalar olindi. Parallel seksiyalardan keyin Farhod Ahrorov Samarqand viloyati qishloq xo‘jaligini barqaror rijojlantirishda tabiiy resurslarni iqtisodiy-ekologik baholash mavzusidan so‘ng,  Mubinzoh Abdullayev (Tojikiston davlat tijorat universiteti) ining G‘arbning Rossiyaga qo‘ygan sanktsiyalari va ularning migrant pul o‘tkazmalari kanali orqali markaziy Osiyo Respublikalariga ta‘sirini baholashga bag‘ishlangan ilmiy tadqiqoti taqdim etildi. Makhabbat Ramazovna, Almaz Atabekovlarning ma’ruzalari nihoyasidan so‘ng Abdul Shabban boshchiligida munozara davra suhbati bilan birinchi kun o‘z nihoyasiga yetdi.