Korrupsiya har qanday davlat va jamiyatning siyosiy-iqtisodiy rivojlanishiga jiddiy putur yetkazib, uning konstitutsiyaviy asoslari va qonun ustuvorligini zaiflashtiradi, pirovardida inson huquq va erkinliklarining poymol boʻlishiga olib keladi. Shu sababli yurtimizda korrupsiyaga qarshi kurash choralarini kuchaytirish, uni ildizi bilan yoʻq qilish, bu boradagi huquqiy asoslarni yanada mustahkamlashga jiddiy eʼtibor qaratilmoqda. Toshkent davlat iqtisodiyot universiteti Samarqand filiali professor-oʻqituvchilari oʻrtasida “Taʼlim muassasalarida korrupsiyaning oldini olish va unga qarshi kurashishning maʼnaviy-maʼrifiy asoslari” mavzusida ma’naviy ma’rifiy tadbir oʻtkazildi. Filial professor-oʻqituvchilari va talabalari – korrupsiyasiz jamiyat qurishda faol ishtirok etishi hamda mamlakatimizda korrupsiyaga qarshi kurash mexanizmlarini amalda jonlantirishga, mamlakat taraqqiyotiga jiddiy toʻsiq boʻlib, sohalar yuksalishiga bevosita tahdid tugʻdiradigan asosiy illat ekanligi va bu borada koʻpkina amaliy tadbirlar oʻtkazib kelinayotganligi haqida toʻxtalib oʻtildi.
Tadbir davomida Samarqand viloyati Davlat xavfsizlik xizmati xodimi bugungi kunda davlatimiz tomonidan yoshlarga yaratib berilayotgan sharotilardan biri ularni yetuk va salohiyatli kadrlar boʻlishi hayotda munosib oʻrin egallashi hamda istiqboli yorugʻ boʻlishini taʼminlash qolaversa keyingi yillarda oliy taʼlim bilan yoshlarni qamrab olish koʻrsatgichlari mamlakatimizda sezilarli tarzda oʻzgarganligi va shu bilan birgalikda ta’lim sifatini oshirish maqsadida amalga oshirlayotgan ishlar xususida to’xtalib o’tdi.
Jumladan, yoshlarni oliy ta’lim bilan qamrab olish 2017 yil 9-10% koʻrsatgichga ega edi. Davlatimiz rahbari tashabbuslari bilan oliy taʼlim muassasalariga qabul kvotalari oshirilib poytaxtda va hududlarda oliy oʻquv yurtlari hamda xorijiy davlat universitetlari filiallari tashkil etildi. 2019 yil yoshlarni oliy taʼlim bilan qamrab olish ikki barovarga koʻpaydi. Bundan tashqari oliy oʻquv yurtlariga kirish shafofligi taʼminlandi. Shunga qaramasdan ayrim mutasaddi rahbarlar tomonidan korrupsion holatlar sodir etilayotganligi va bunday holatlatni oldini olish maqsadida koʻpgina ishlar amalga oshirilib kelinmoqda. Jumladan, 2017 yil 3 yanvar kuni Oʻzbekiston Respublikasining “Korrupsiyaga qarshi kurashish toʻgʻrisida”gi qonuni qabul qilindi. Bu qonun bugungi kunda davlat organlari faoliyatining ochiqligini va hisobdorligini taʼminlash, davlat boshqaruvi tizimining samaradorligini oshirish, davlat organlari, mansabdor shaxslarning oʻz zimmasiga yuklatilgan vazifalarni bajarishi yuzasidan masʼuliyatini kuchaytirishga, korrupsiyaga qarshi kurashish sohasida parlament va jamoatchilik nazoratini amalga oshirish maqsadlariga xizmat qilmoqda.
Korrupsiyaga qarshi kurashish – mamlakatimizda jadal surʼatlarda olib borilayotgan huquqiy islohotlar sharoitida har bir insonning huquq va erkinliklarini samarali himoya qilish hamda qonun ustuvorligini taʼminlashning muhim vositalaridan biri hisoblanadi. Mamlakatimizda amalga oshirilayotgan keng koʻlamli islohotlarning asosiy tamoyillaridan biri sifatida jamiyat va davlat hayotining barcha sohalarida qonun ustuvorligini taʼminlashga alohida eʼtibor qaratilayotganligi hamda Oʻzbekiston Respublikasi Prezidenti tomonidan “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni, “Korrupsiyaga qarshi kurashish toʻgʻrisida”gi Oʻzbekiston Respublikasi Qonunining qoidalarini amalga oshirish chora-tadbirlari toʻgʻrisida”gi Oʻzbekiston Respublikasi Prezidentining 2017 yil 2 fevraldagi PQ-2752-sonli Qarori hamda “Oʻzbekiston Respublikasida korrupsiyaga qarshi kurashish tizimini yanada takomillashtirish chora-tadbirlari toʻgʻrisida”gi 2019 yil 27 maydagi PF-5729-sonli farmoni va mazkur farmon bilan tasdiqlangan “2019-2020 yillarda korrupsiyaga qarshi kurashish Davlat dastur”lari toʻgʻrisida toʻxtalib oʻtdi. Shuningdek joriy yilning 24 yanvar kuni Oʻzbekiston Respublikasi Prezidenti Sh.M.Mirziyoyevning Oliy Majlisga murojaatnomasida koʻrsatib oʻtilgan topshiriq va masalalar toʻgʻrisida professor-oʻqituvchilarga batafsil maʼlumotlar berib oʻtdi.
Shundan soʻng korrupsiya illatining salbiy oqibatlarini namoyish etuvchi “Egri poydevor korrupsiya” nomli hujjatli film namoyish etildi.
Bu kabi tadbirlar professor-oʻqituvchilarda mafkuraviy immunitetni shakllantirish, korrupsiyaga qarshi kurashish borasidagi dasturi amal rejalarini belgilab olish va ta’lim jarayonida korrupsiyaga yo’l qo’yilmasligi bilan dolzarbdir
