Tadbirda Komplayens nazorati va Korrupsiyaga qarshi kurash bo‘limi boshlig‘i A.A.Axmedov, filialga biriktirilgan profilaktika inspektori  D.Shodmonov, tyutor O.Norboyev va talabalar ishtirok etishdi. Davra suhbati davomida talabalarga  yoshlar o‘rtasidagi jinoyatchilikning oldini olish va unga qarshi kurashish chora-tadbirlari tahlil etilgan. Yoshlar jinoyatchiligining xususiyati aniqlanadi, uning sabablari ochib beriladi, unga taʼsir etuvchi misollar keltirildi. Yoshlar o‘rtasida huquqbuzarliklarning oldini olish yo‘nalishlariga alohida to‘xtalib o‘tildi. Yoshlar jinoyatchiligiga qarshi kurashishning dolzarb muammolari ochib berildi. yoshlar bilan olib boriladigan maʼnaviy-maʼrifiy ishlar samaradorligini oshirish, ular o‘rtasida huquqbuzarlik, jinoyatchilikning oldini olishga qaratilgan profilaktik ishlarni tizimli tashkil etish, turli zararli oqimlar taʼsiriga tushib qolishdan asrash, yoshlarni Vatanga muhabbat ruhida tarbiyalash, bo‘sh vaqtlarini mazmunli o‘tkazishini taʼminlashga qaratilgan muhim vazifalarni o‘z vaqtida bajarish lozimligi taʼkidlandi. Shuningdek, qasddan odam o‘ldirish yoki tan jarohati yetkazish, mol-mulkka tajovuz qilish, firibgarlik kabi jinoyatlarni hamda ayollar, yoshlar, voyaga yetmaganlar o‘rtasida sodir etilayotgan jinoyatlarni keskin kamaytish, huquqbuzarliklarning barvaqt oldini olish borasida amalga oshirilayotgan muhim ishlar eʼtirof etildi. Shuningdek, yurtimizda aholining tinch-osoyishta hayot kechirishini taʼminlash, huquqbuzarliklarning oldini olish, jinoyatchilikka qarshi kurashishga qaratilgan juda muhim va samarali ishlar o‘zining ijobiy natijalarini berayotgani haqida gapirib o‘tildi.O‘tkazilgan suhbatda talabalarning ko‘plab qiziqtirgan savollariga javoblar berildi.