Toshkent davlat iqtisodiyot universiteti Samarqand filialida Samarqand viloyati IIB xodimlari bilan hamkorlikda “Terrorizmga qarshi kurashish bo‘limlari” va «Kiberjinoyatchilikning eng keng tarqalgan shakllaridan qanday qochish kerak” mavzularida profilaktik uchrashuv o‘tkazildi.
O‘zbekiston Respublikasi Oliy ta‘lim, fan va innovatsiyalar vazirligi tizimida ma’naviy-ma’rifiy ishlar samaradorligini oshirish, talaba-yoshlarning ma’naviy-mafkuraviy dunyoqarashini shakllantirish va jinoyatchilikni oldini olish maqsadida 2024-yil 29-mart kuni Samarqand viloyati IIB Terrorizmga qarshi kurashish boshqarmasi va kiber xavfsizlik bo‘limi birgalikda “Diniy ekstremizm va aqidaparastlik g‘oyalariga qarshi targ‘ib qilish va ularni profilaktikasi” va «Insonlarning kiberjinoyat jabrlanuvchisi bo‘lishni oldini olish” mavzularida profilaktik uchrashuv o‘tkazildi. Samarqand viloyati IIB Terrorizmga qarshi kurashish boshqarmasi Katta tezkor xodimi Fotima Rahmatova, Samarqand viloyati IIB Terrorizmga qarshi kurashish boshqarmasi Kiber xavfsizlik bo‘limi katta mutaxassisi Eldor O‘rolov Iqtisodiyot fakulteti decani G‘.Ibragimov, dekan o‘rinbosarlari, ta’lim-tarbiya maslahatchilari va talabalar ishtirok etishdi. Yig‘ilish davomida terrorizm - siyosiy, diniy, mafkuraviy va boshqa maqsadlarga erishish uchun shaxsning hayoti, sog‘lig‘iga xavf tug‘diruvchi, mol-mulk va boshqa moddiy obyektlarning yo‘q qilinishi (shikastlantirilishi) xavfini keltirib chiqaruvchi hamda davlatni, xalqaro tashkilotni, jismoniy yoki yuridik shaxsni biron-bir harakatlar sodir etishga yoki sodir etishdan tiyilishga majbur qilishga, xalqaro munosabatlarni murakkablashtirishga, davlatning suverenitetini, hududiy yaxlitligini buzishga, xavfsizligiga putur yetkazishga, qurolli mojarolar chiqarishni ko‘zlab ig‘vogarliklar qilishga, aholini qo‘rqitishga, ijtimoiy-siyosiy vaziyatni beqarorlashtirishga qaratilgan, Kiberjinoyatchilik nisbatan yangi tushuncha bo‘lsa-da, ko‘plab davlatlar iqtisodiyotiga qimmatga tushayotgan muammo haqida ma’lumotlar berildi.
Shuningdek ogohlik davr talabi ekanligini, talabalar ijtimoiy tarmoqlardagi har xil saytlarga kirishda o‘z huquqiy ongi va madaniyatini oshirib borish kerakligi, talabalarga IIB xodimlari tomonidan internetdagi tahdidlardan, zamonaviy tahdidlardan ogoh bo‘lish bo‘yicha tayyorlangan bukletlar tarqatildi, talabalarni qiziqtiruvchi savollarga ichki ishlar xodimlari tomonidan javob berildi. Shuningdek maxsus tayyorlangan diniy ekstremistik va terroristik oqimlarga qarshi kurashish va Kiber xavfsizlik mavzusidagi videorolik ham namoyish qilindi.
