28-mart kuni Toshkent davlat iqtisodiyot universiteti Samarqand filiali direktori O.Murtazayev hamda Iqtisodiyot fakulteti talabalari ishtirokida "Direktor va yoshlar" uchrashuvi bo‘lib o‘tdi. Yoshlarning bo‘sh vaqtlarini mazmunli tashkil etishga qaratilgan mazkur uchrashuvda talaba-yoshlarni qo‘llab-quvvatlash, talabalarni qiynayotgan muammolarini o‘rganish, mavjud sharoitlarni yaxshilash, talabalar turar joyi hamda ijara uylarida istiqomat qiluvchi talabalarni qo‘llab-quvvatlab va  muammolarga yechim topish, talaba-yoshlarning amaliyot va ish bilan bandlik masalalari, talabalarning Start-up loyihalarini amalga oshirishda ko‘maklashish, ijtimoiy faolligini oshirish, sport va fan to‘garaklariga jalb qilish maqsadlarida tashkil etildi.

 Ochiq, samimiy va do‘stona ruhda o‘tkazilgan uchrashuvda talabalar o‘zlarini qiziqtirgan savollari, taklif va tashabbuslari bilan direktorga murojaat qildilar. Ko‘tarilgan masalalarning aksariyati shu joyning o‘zida ijobiy hal etildi. Bildirilgan takliflar direktor tomonidan qo‘llab-quvvatlandi.