15-mart – “Butunjahon isteʼmolchilar huquqlari kuni” munosabati bilan O‘zbekiston Respublikasi Raqobatni rivojlantirish va isteʼmolchilar huquqlarini himoya qilish qo‘mitasi tomonidan oliy taʼlim muassasalari talabalar uchun seminarlar tashkil etilmoqda. Shu munosabat bilan O‘zbekiston Respublikasi Raqobatni rivojlantirish va isteʼmolchilar huquqlarini himoya qilish qo‘mitasining Samarqand viloyati hududiy boshqarmasi masʼul xodimlari tomonidan Toshkent davlat iqtisodiyot universiteti Samarqand filialida ham 2024-yil 12-mart kuni “MOLIYAVIY SAVODXON YOSH ISTEʼMOLCHI” o‘quv seminari tashkil etildi. O‘quv seminarida filialning “Moliya, soliq va bank ishi” kafedrasi professor-o‘qituvchilari hamda 100ga yaqin talabalar ishtirok etishdi hamda isteʼmolchilar huquqlariga oid qiziqarli savol-javoblar bo‘lib o‘tdi. Seminar ishtirokchilari savollariga O‘zbekiston Respublikasi Raqobatni rivojlantirish va isteʼmolchilar huquqlarini himoya qilish qo‘mitasining Samarqand viloyati hududiy boshqarmasi masʼul xodimlari A.Yoqubov, Z.Voxidov hamda filialning “Moliya, soliq va bank ishi” kafedrasi mudiri i.f.D., prof. R.Gaybullayevlar atroflicha javob berdilar.