Toshkent davlat iqtisodiyot universiteti Samarqand filiali Iqtisodiyot fakulteti AIF-120-guruh talabasi Boburjon Xidirov Oʻzbekiston Respublikasi Vazirlar Mahkamasining 2023-yil 7-dekabrdagi 646-son qaror bilan tasdiqlangan “2024–2025-yillarda Internet jahon axborot tarmog‘ida o‘zbek milliy kontentini yanada rivojlantirish” dasturining 5-bandi ijrosini ta’minlash maqsadida va Oʻzbekiston Respublikasi Yoshlar ishlari agentligining 2024-yil 2-martdagi 2-05-21-805-son xatiga asosan hamda filial direktorining 2024-yil 4-martdagi 67-T sonli buyrugʻi asosida 2024-yilning 4–9-mart kunlari Bo‘stonliq tumanidagi “Yoshlar oromgohi”da tashkil etiladigan “WikiOromgoh” loyihasida qatnashmoqda.

Loyiha doirasida talabamiz Wikipedianing maqolalarini kiritish, tahrirlash, tuzatish kabi masalalarni oʻrganishadi va oʻzbek kontetntni rivojlantirishda oʻz hissasini qoʻshishni hamda oʻz OTMlarida ham qiziquvchi yoshlar safini kengaytirish yoʻnalishlarini oʻrganishmoqda. 

Ma’lumot oʻrnida jahonda 6000 dan ziyod tillar boʻlsa, shundan 300 tilda Wikipedia yuritiladi. Uning oʻzbek tilidagi variantiga 2003-yil 21-dekabrda asos solingan boʻlib, hozirda Oʻzbekcha maqolalar soni - 254 258 tani tashkil etadi. Bu natija bilan jahonda 42-oʻrinda turadi.