Bugun Yevropa ittifoqidagi nufuzli (Xalqaro QS reytingda # 375) universitetlaridan biri Praga Kimyo va Texnologiyalar universitetining xalqaro hamkorlik menejeri Krejci Milos, Skoda Avto Universitetining o'quv ishlari prorektori Pert Sulc, Chexiya hayot fanlari universiteti Iqtisodiyot va Biznes fakulteti dekan o'rinbosari Silvia Kotaskova hamda Study in University asoschisi Daler Abdurahmonovlardan iborat Chexiya delegatsiyasi bilan filial direktori professor Olim Murtazayev boshchiligida rahbariyat vakillarining uchrashuvi bo'lib o'tdi. 
Tashrifdan asosiy maqsad - oliy ta'limdagi bir nechta yo'nalishlarda xalqaro hamkorlikni tashkil etish va rivojlantirishdan iborat.
 
Muzokaralar davomida kelgusida TDIU Samarqand filiali va Praga Kimyo va Texnologiyalar universiteti hamda Skoda Avto Universitetlari bilan Iqtisodiyot va menejment yo'nalishida qo'shma ta'lim dasturlarini tashkil etish, filial talabalarining Chexiyadagi universitetlarda talaba almashinuvi dasturlarini  yo'lga qo'yish, barcha universitetlar bilan hamkorlikda yozgi maktablar tashkil qilish, shuningdek professor-o'qituvchilar almashinuvini tashkil etish bo'yicha muhim kelishuvlarga erishildi.