Filialda xalqaro hamkorlik aloqalarini yanada kengaytirish bo'yicha Chexiya Respublikasidagi OTM vakillari bilan uchrashuv

Bugun Yevropa ittifoqidagi nufuzli (Xalqaro QS reytingda # 375) universitetlaridan biri Praga Kimyo va Texnologiyalar universitetining xalqaro hamkorlik menejeri Krejci Milos, Skoda Avto Universitetining o'quv ishlari prorektori Pert Sulc, Chexiya hayot fanlari universiteti Iqtisodiyot va Biznes fakulteti dekan o'rinbosari Silvia Kotaskova hamda Study in University asoschisi Daler Abdurahmonovlardan iborat Chexiya delegatsiyasi filialimizga tashrif buyurdi.
Tashrifdan asosiy maqsad - oliy ta'limdagi bir nechta yo'nalishlarda xalqaro hamkorlikni tashkil etish va rivojlantirishdan iborat.
"Xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish” bo‘limi bosh mutaxassisi Sh.Yuldashev, "Yashil iqtisodiyot va barqaror biznes" kafedrasi katta o'qituvchisi S.Fazliyev, Xalqaro aloqalar bo'limi boshlig'i H.Avezovlar chexiyalik mehmonlar bilan uchrashib, universitetlar o'rtasida xalqaro aloqalar o'rnatish bo'yicha bir qator masalalar muhokama qilindi.
Muzokaralar davomida kelgusida TDIU Samarqand filiali va Praga Kimyo va Texnologiyalar universiteti hamda Skoda Avto Universitetlari bilan Iqtisodiyot va menejment yo'nalishida qo'shma ta'lim dasturlarini tashkil etish, filial talabalarining Chexiyadagi universitetlarda talaba almashinuvi dasturlarini  yo'lga qo'yish, barcha universitetlar bilan hamkorlikda yozgi maktablar tashkil qilish, shuningdek professor-o'qituvchilar almashinuvini tashkil etish bo'yicha muhim kelishuvlarga erishildi.
Shuni aytish mumkinki, joriy o'quv yili oxirida bir guruh chexiyalik talabalar va o'qituvchilar filialimizda Summer School dasturida qatnashish uchun kelishlari kutilmoqda.