02 - Mart 2024

Toshkent davlat iqtisodiyot universiteti Samarqand filialida 7-sonli "Kengash yig'ilishi" bo'lib o'tdi.

2024-yil 29-fevral kuni soat 10:00 da “A” bino majlislar zali(203-xona)da Toshkent davlat iqtisodiyot universiteti Samarqand filiali Kengashining 7-sonli yig‘ilishi tashkil etildi. Ushbu yig'ilishda filial direktori, professor O. Murtazayev hamda filial mas'ul xodimlari, professor-o'qituvchilari ishtirok etishdi.
Ushbu yig'ilishda quyidagi masalalar bo'yicha mas'ul xodimlarning nutqlari tinglandi:

- Filialda Prezident qarorlari, Farmonlari, Vazirlar Mahkamasining qarorlari, Oliy taʼlim, fan va innovatsiyalar vazirligi va boshqa vazirliklar buyruqlari, Hayʼat qarorlari, filial qarorlari bajarilishi hamda ijro intizomiga rioya qilishning holati to‘g‘risida axborot- Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i N.J.To‘xtamurodova.
- Filialda joriy o‘quv yilining I-yarim yilida ma’naviy-ma’rifiy sohada amalga oshirilgan ishlar hamda 8-mart – Xalqaro xotin-qizlar kuni va “Navro‘z” umumxalq bayramini munosib nishonlash bo‘yicha filial oldida turgan vazifalar to‘g‘risida axborot - Yoshlar masalalari va maʼnaviy-maʼrifiy ishlar bo‘yicha direktorning birinchi o‘rinbosari X.I.Turdibekov.
- Ilmiy-tadqiqot va innovatsion faoliyatni rivojlantirish, olib borilayotgan tadqiqotlarni ishlab chiqarish, akademik ilm-fan ehtiyojlari bilan integratsiyalash, o‘qituvchilar ilmiy ishining natijadorligini ta’minlash, yoshlarni ilmiy faoliyatga jalb qilish borasidagi ishlar yuzasidan axborot - Ilmiy ishlar va innovatsiyalar bo‘yicha direktor o‘rinbosari Z.Abdullayev.
- Filialda yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo‘yicha chora-tadbirlar dasturi (“Yo‘l xaritasi”)da belgilangan vazifalarni “Raqamli iqtisodiyot va axborot texnologiyalari” kafedrasida ijrosi yuzasidan hisobot- Kafedra mudiri U.Ubaydullayev, O‘quv-uslubiy bo‘lim boshlig‘i Z.Bobomurodov.
- Filialning milliy reytingdagi o‘rnini oshirish bo‘yicha qilingan ishlar to‘g‘risida axborot - Ta’lim sifatini nazorat qilish bo‘lim boshlig‘i I.M.Ganiyev.
- Turli masalalar.
- Ilmiy darajali xodimlarga qo‘shimcha haq to‘lash miqdorini tasdiqlash to‘g‘risida-Ilmiy ishlar va innovatsiyalar bo‘yicha direktor o‘rinbosari Z.Abdullayev.
- Toshkent davlat iqtisodiyot universiteti Samarqand filialida raqamlashtirish boʻyicha amalga oshiriladigan ishlar toʻgʻrisida axborot - “Raqamli ta’lim texnologiyalari markazi” boshlig‘i - Y.Eshonqulov.