Toshkent davlat iqtisodiyot universiteti Samarqand filialida bo'lib o'tayotgan imtihonlarda shaffoflik ta'minlanmoqda.

Yurtimizdagi barcha davlat oliy taʼlim muassasalarida bo‘lgani kabi Toshkent davlat iqtisodiyot universiteti Samarqand filialida ham 2023/2024 o‘quv yili qishki semestri bo‘yicha sirtqi bo‘lim 2-taʼlim shakli talabalari yakuniy nazorat ishlarini topshirmoqdalar.

Jarayonning shaffofligi, talabalar bilimini adolatli va xolisona baholab borilishini taʼminlash maqsadida filial Korrupsiyaga qarshi kurashish “Komplayens nazorat” tizimini boshqarish bo‘limi, Taʼlim sifatini nazorat qilish bo‘limi va O‘quv-uslubiy ishlar bo‘limi bilan hamkorlikda nazorat olib borilmoqda.

Yakuniy nazoratlarda korrupsiyaviy va boshqa salbiy holatlarning oldini olish maqsadida masʼullar talabalar bilan suhbatlashib, ularning fikr-mulohazalarini tahlil qilib borishayapti va zaruriy tuzatishlar joyida amalga oshirilayapti.