Toshkent davlat iqtisodiyot universiteti Samarqand filialida Dinshunoslik fanidan ma'ruza darsi bo'lib o'tdi.
2024-yilning 26-fevral kuni soat 8.30 da Toshkent davlat iqtisodiyot universiteti Samarqand filiali “Tabiiy, ijtimoiy fanlar va jismoniy madaniyat” kafedrasi dotsenti Soxiba Yazdonova 209B-xonada Dinshunoslik fani bo‘yicha MT-123 guruhi talabalariga “Markaziy Osiyo tarixida Hanafiya mazhabining o‘rni. O‘zbekistonda faoliyat yurituvchi diniy tashkilotlar” mavzusida ochiq ma’ruza darsini o‘tdi.
Dars davomida Islom dini asosiy oqimlaridan biri-Hanafiya mazhabi va uning Markaziy Osiyoda tutgan o‘rni masalasida muhim ma'lumotlar berildi. Buyuk vatandoshlarimizning islom olami ilmiy merosiga qo‘shgan hissalari yuzasidan talabalar bilimlari oshirildi. Dars zamonaviy pedagogik texnologiyalar asosida olib borildi. Ma'ruza darsida: "Moziydan tashrif", "Hanafiya" o‘lkasiga sayohat", "Aqliy hujum" metodlaridan foydalanildi. Dars metodlari asosida barcha talabalar darsda qizg‘in ishtirok etdilar. Dars so‘nggida kerakli topshiriqlar berildi.