Toshkent davlat iqtisodiyot universiteti Samarqand filialida “Innovatsion, raqamli bank va moliya xizmatlari” fan klubining navbatdagi yig’ilishi bo’lib o’tdi.
Joriy yilning 23-fevral kuni soat 12:00 da filial faollar zalida “Moliya, soliq va bank ishi” kafedrasi qoshida olib borilayotgan “Innovatsion, raqamli bank va moliya xizmatlari” fan klubining navbatdagi yig’ilishi bo’lib o’tdi.
Ushbu yig’ilishda klub ishida iqtidorli talabalarning ilmiy izlanishlari natijalarini (maqolalarini) muhokama qilish masalalari bo’yicha fan klub rahbari Togayev S. o’z fikrlarini aytib o’tdi.
Yig’ilishda iqtidorli talabalarning ilmiy tadqiqot faoliyatini tashkil etish bo’limi boshlig’i J.Bo’riboyev  talabalarga bakalavriat bosqichi talabalari uchun O‘zbekiston Respublikasi Prezidenti va nomli davlat stipendiyalari hamda ularni tayinlash tartibi to‘g‘risidagi nizom qoidalarini batafsil tushuntirib berdi.  
O‘zbekiston Respublikasi Prezidenti davlat stipendiyalari har bir oliy ta’lim muassasasining bakalavriat bosqichidagi bir nafar bitiruvchi kurs talabasiga va Beruniy, Ibn Sino, Navoiy, Ulug‘bek, Imom al-Buxoriy va Islom Karimov nomli davlat stipendiyalari (keyingi o‘rinlarda — nomli davlat stipendiyalari) O‘zbekiston Respublikasidagi davlat, nodavlat va xorijiy oliy ta’lim muassasalari, shu jumladan, qo‘shma ta’lim dasturlarining oxirgi ikki kursida o‘qiyotgan talabalarga tayinlanib, to‘lanishi haqida ma’ulotlar berib o’tdi. 
Yig’ilishda talabalar O‘zbekiston Respublikasi Prezidenti va nomli davlat stipendiyalari hamda ularni tayinlash tartibi haqida o’zlariga kerakli barcha ma’lumotlarni oldilar.