Toshkent davlat iqtisodiyot universiteti Samarqand filialida “Olima ayollar – e’tiborda” mavzusida davra suhbati o‘tkazildi.

“Xalqaro ilm-fan sohasidagi ayollar va qizlar kuni” munosabati bilan 2024-yil 13-fevral kuni Toshkent davlat iqtisodiyot universiteti Samarqand filiali “Yashil iqtisodiyot va barqaror biznes” kafedrasi mudiri, dotsent Pardayeva Ozoda Mamayunusovna filialning olima ayollari, tayanch doktorant va talaba qizlar bilan “Olima ayollar – e’tiborda” mavzusida davra suhbati o‘tkazdi. Tadbir davomida hozirgi kunda mamlakatimizda ayollar jamiyatning barcha sohalarida o‘z iqtidor va imkoniyatlarini namoyon qilayotganligi, jumladan, ishlab chiqarish, ta’lim-tarbiya, tibbiyot, ilm-fan, madaniyat va sport sohalari rivojiga munosib hissasi qo‘shayotganligi haqida qizgin fikr-mulohazalarga boy bo‘lgan davra  suhbati bo‘lib o‘tdi.