Toshkent davlat iqtisodiyot universiteti Samarqand filialida “Biz yoshlar psixotrop moddalarni tarqalishiga qarshimiz” mavzusida tadbir o‘tkazildi.
Joriy yilning 13-fevral kuni filialda “Yoshlar orasida giyohvandlik vositalari va psixotrop moddalar tarqatilishining oldini olish” profilaktika oyligi doirasida “Biz yoshlar psixotrop moddalarni tarqalishiga qarshimiz” mavzusida tadbir o‘tkazildi.
Tadbirda O‘zbekiston Respublikasi ichki ishlar vazirligi tezkor qidiruv departamenti jinoyat qidiruv xizmati boshqarmasi boshlig‘i o‘rinbosari  A.S.Matlubov va shu bo‘lim xodimi A.Rahimov, Respublika ixtisoslashtirilgan narkologiya ilmiy- amaliy tibbiyot markazining Samarqand viloyat mintaqaviy filialli mutaxassisi N.Z.Negmatova, filial professor-o‘qituvchilari  hamda talabalar ishtirok etishdi. Talabalarga psixotrop moddalarga qaramlikning salbiy oqibatlari, ma‘naviy va moddiy zararlari hamda qonunda belgilangan jinoiy javobgarliklar toʻgʻrisida maʼlumotlar berib oʻtildi. Tadbir davomida psixotrop vositalar haqida ma‘lumotlar berilib, psixotrop moddalar inson ruhiyatiga qattiq ta’sir etishi, uni tinchlantiruvchi modda sifatida asosan tibbiyotda qo‘llanilishi haqida to‘xtalib, psixotrop moddalar sarasiga kiruvchi “Tramadol”, “Lirika”, “Baklasan”, “Samnol”, “Diazepam”, “Sibazol”, “Valium”, “Fenazenam” kabi dori vositalari misol tariqasida ko‘rsatib o‘tildi. Talabalarni har xil guruhlarga qo’shilib qolmaslikga  va yana har xil ma’lumotlarni ogohlantirdi agarda shunday ma’lumotlarga duch kelsa zutlik bilan ogohlantirishni aytdi. Shunday ekan, yurtimizda hukm surayotgan tinch va osuda hayotni asrash, uning mustaqilligi va barqarorligiga munosib hissamizni qo'shish – har birimizning, shu aziz Vatanda yashayotgan barcha fuqarolarning, davlat yoki jamoat tashkilotida ishlashi, tadbirkor yoki boshqa kasb egasi bo'lishidan qat'iy nazar, eng asosiy vazifalaridan bo'lib qolmog'i lozim. Talabalarga telefon, internetga kirganda diniy saytlardan ma’lumot ko’chrib olmasligini bir –biriga tarqatmaslik haqida ogohlantirildi ularga buning uchun javobgarlik borligi aytildi.  Soha mutaxassislari  tomonidan talabalarni qiziqtirgan savollarga javoblar qaytarildi.