Toshkent davlat iqtisodiyot universiteti Samarqand filialida “Biz yoshlar giyohvandlik vositalarini tarqalishiga qarshimiz” mavzusida davra suhbati tashkil etildi.

 “Yoshlar orasida giyohvandlik vositalari va psixotrop moddalar tarqatilishining oldini olish” profilaktika oyligi doirasida tashkil etilgan davra suhbatida Samarqand viloyat ichki ishlar boshqarmasi tergov departamenti bo‘lim boshlig‘i F.B.Saidmurodov, filial korrupsiyaga qarshi kurashish "Komplaens nazorat" bo'limi mutaxassisi A. A. Axmedov, shuningdek filial professor-o‘qituvchilari hamda talabalar ishtirok etishdi. Maruza davomida giyohvand moddalarning keng tarqalishi bir qator ijtimoiy muammolarga sabab bo‘lishi, demografik fojealarni keltirib chiqarishi, yoshlar o’rtasida giyohvand moddalar savdosiga qarshi kurashda xalqaro xuquqni muhofaza qilish tashkilotlari, jumladan Interpol, Yevropol, Jahon Bojxona tashkiloti kabi tashkilotlar hamkorlikda faoliyati haqida ham ma’lumotlar berildi. Tadbir  chog‘ida talabalarga giyohvandlik vositalari bilan qonunga xilof ravishda muomala qilish natijasida sodir etilayotgan jinoyatlar tahlili, ularning kelib chiqish sabablari, huquqiy oqibatlari, amaldagi me'yoriy qonun hujjatlarida shu turdagi jinoyatlar uchun belgilangan jazolar, giyohvandlik tufayli yuzaga kelayotgan mudhish holatlar, ularning insonlar, ayniqsa yoshlarning salomatligiga salbiy ta’siri kabi masalalarga bag‘ishlangan videofil`m namoyish etildi. Tadbir davomida giyohvandlikka qarshi kurashish bo'yicha amalga oshirilayotgan profilaktik tadbirlar, salbiy illatlarning oldini olishda yoshlar bilan individual ishlashning dolzarb vazifalari borasida fikr-mulohazalar bildirildi. Shuningdek, yoshlarimiz o‘rtasida giyohvandlikka qarshi samarali kurashishning innovatsion usullari va vositalari haqida batafsil ma’lumotlar berildi. Davra suhbatida soha mutaxassisi tomonidan talabalarni qiziqtirgan savollarga javoblar berildi.