Rasmiy tashrif, O'zbekiston OTMlari, xususan, TDIU Samarqand filiali va Germaniyaning Weihenstephan-Triesdorf amaliy fanlar universiteti (HSWT) o’rtasidagi qo’shma ta’lim dasturini kengaytirish hamda xalqaro hamkorlikni chuqurlashtirish maqsadida amalga oshirilmoqda. O‘zbekiston delegatsiyasi HSWT rahbariyati bilan uchrashuvlar o‘tkazib, oliy ta'limni boshqarish, amaliyotga yo‘naltirilgan ta’lim dasturlari ishlab chiqish, talabalar bilimini baholash kabi muhim masalalar yuzasidan fikr almashdi. Shuningdek, tashrif davomida qo’shma dastur asosida ta’lim olayotgan hamda Germaniya korxonalarida amaliyot o‘tayotgan O'zbekistonlik talabalar bilan uchrashilib, ularning muammolari o'rganilib, amaliy yordam ko'rsatildi.