Toshkent davlat iqtisodiyot universiteti Samarqand filialida "Korrupsiyaga qarshi kurash omillari" mavzusi doirasida debat bo'lib o'tdi.
Joriy yilning 20-yanvar kuni Toshkent davlat iqtisodiyot universiteti Samarqand filialida "Korrupsiya-taraqqiyot kushandasi" shiori ostida filial Komplaens nazorat bo‘limi hamda Ta'lim sifatini nazorat qilish bo‘limi hamkorligida "Korrupsiyaga qarshi kurash omillari" mavzusi doirasida debat tashkil qilindi.
Debat korrupsiyaning kelib chiqish ildizlari va unga qarshi kurash omillari haqida qiziqarli muhokama va bahslarga boy bo‘ldi.
Filial professor-o‘qituvchilari hamda talaba yoshlari tomonidan "Korrupsiyaga qarshi kurashda axloqiy tarbiya muhimmi, huquqiy tarbiya muhimmi" savoli atrofida chuqur tahlillar asosidagi fikrlar bildirildi.