Toshkent davlat iqtisodiyot universiteti Samarqand filialida “Korrupsiyasiz ta’lim –sifatli ta’lim” mavzusida uchrashuv bo'lib o'tdi.

2024-yil, 17-yanvar kuni Toshkent davlat iqtisodiyot universiteti Samarqand filialining sirtqi bo‘lim 1 bosqich talabalari bilan filial korrupsiyaga qarshi kurash “Komplayens nazorat” tizimini boshqarish bo‘limi, ta’lim sifatini nazorat qilish bo‘limi tomonidan uchrashuv o‘tkazildi.
Uchrashuvda filialda tahsil olayotgan talabalarga korrupsiyaga qarshi kurashish nima ekanligi, bu borada mamlakatimizda, shu jumladan, filialda olib borilayotgan ishlar, yoshlarga korrupsiya balosiga qarshi qatiy murosasizlik hissini shakllantirish, korrupsiyaning har qanday ko‘rinishiga toqatsizlik, bilim olish jarayonida halollik, ochiqlik va shaffoflikni ta’minlash borasida amalga oshirilayotgan ishlar to‘g‘risida so‘zlab berildi. 
Talabalarga O‘zbekiston Respublikasining “Korrupsiyaga qarshi kurashish to‘g‘risida”gi qonuni, “Korrupsiyasiz soha” loyihasi asosida amalga oshirilayotgan ishlar, filialda qabul qilingan me’yoriy-huquqiy hujjatlar, jumladan filialning korrupsiyaga qarshi siyosati”, “Odob axloq kodeksi”, “ Ichki tartib qoidalar” va O‘zbekiston Respublikasining qonunchiligidagi korrupsion jinoyatlar uchun tegishli moddalar bo‘yicha tushunchalar berildi.