Toshkent davlat iqtisodiyot universiteti Samarqand filialida korrupsiyaga qarshi kurashish bo'yicha tadbir bo'lib o'tdi.
2024-yilning 09-yanvar kuni filial sirtqi bo‘lim 1-bosqich IQTS-123-guruh talabalari bilan filial taʼlim sifatini nazorat qilish bo‘limi boshligʻi I.M.Gʻaniyev, korrupsiyaga qarshi kurash «Komplaens nazorat” tizimini boshqarish bo‘limi boshligʻi A.A.Axmedov va Iqtisodiyot fakulteti dekani o‘rinbosari I.S. Shukurovlar tadbir oʻtkazdi.
Tadbirning asosiy maqsadi, oliy o‘quv yurti Kengashi tomonidan tasdiqlangan korrupsiyaga qarshi kurashish DASTURi (siyosati), “Komplaens nazorat” tizimini yo‘lga qo‘yish bo‘yicha me’yoriy hujjatlar to‘plami bilan sirtqi bo‘lim talabalarini tanishtirish, ta’lim sifatiga alohida e’tibor berish, “Odob-axloq Kodeksi” talablariga qat’iy rioya qilish kerakligini talabalarga uqtirish bo‘ldi. Xususan, filial rahbariyati va uning tarkibiy bo‘linmalarida korrupsiyaga qarshi murosasizlik munosabatini shakllantirish, korrupsiyani oldini olish, huquqbuzarlikni o‘z vaqtida aniqlash, oldini olish, profilaktik tadbirlarni o‘tkazish, korrupsiyaviy huquqbuzarlikni sodir etganlik uchun javobgarlikning muqarrarligini ta’minlash ekanligi talabalarga tushuntirildi.
O‘tkazilgan yig‘ilish jarayonida korrupsiya va ta’magirlik kabi salbiy illatlarga yo‘l qo‘ymaslik hamda filialning korrupsiyaga qarshi kurash bo‘limining telegram kanali, ishonch telefonlari to‘g‘risida ma’lumotlar berildi, ta’lim sifatini nazorat qilish bo‘limi, korrupsiyaga qarshi kurash “Komplaens nazorat” bo‘limlari tomonidan muntazam ravishda o‘tkaziladigan anonim, ixtiyoriy so‘rovnomalarda faol qatnashishga da’vat qilindi. Korrupsiyaning oldini olishga doir chora-tadbirlar, korrupsiyaga oid huquqbuzarliklarni aniqlash, ularga chek qo‘yish, javobgarlikning muqarrarligi kabi jihatlar to‘g‘risida ham yig‘ilish ishtirokchilariga batafsil tushuntirib o‘tildi. Tug‘ilishi mumkin bo‘lgan savollar bilan filialning korrupsiyaga qarshi kurash «Komplaens nazorat» bo‘limiga shaxsan, yoki anonim murojaat etishlari mumkinligi uqtirildi.
