Toshkent davlat iqtisodiyot universiteti Samarqand filialida nodavlat notijorat tashkilotlari rahbarlari bilan uchrashuv bo'lib o'tdi.
O‘zbekiston Respublikasi Oliy ta'lim, fan va innovatsiyalar vazirligining 2023-yil 29-avgustdagi 3/15-2/1-11-son xatiga asosan belgilangan Fuqarolik jamiyati institutlari salohiyatini oshirish masalalarida oliy ta'lim muassasalarining nodavlat notijorat tashkilotlari bilan o‘zaro hamkorlik mexanizmlarini rivojlantirish bo‘yicha kompleks chora-tadbirlar rejasiga asosan hamda Toshkent davlat iqtisodiyot universiteti Samarqand filiali va Samarqand viloyati nodavlat notijorat tashkilotlari o‘rtasidagi tuzilgan shartnomaga muvofiq 2024-yil 9-yanvar kuni O‘zbekiston nodavlat notijorat tashkilotlari milliy assotsiatsiyasi Samarqand viloyat hududiy bo‘linmasi boshlig‘i Kenjayev Shoim O‘rolovich, Imkon NNT tashkiloti rahbari Rahmatov Foteh Akmalovichlar Iqtisodiyot fakulteti talabalari bilan Hamkorlik bo‘yicha dasturda belgilangan tartibda uchrashuv tashkil etishdi. Unda talabalarga Samarqand viloyatida mavjud NNTlar, ularning faoliyati yo‘nalishlari, maqsadlari, moliyalashtirish manbalari haqida ma'lumotlar berildi. Shuningdek, talabalar bilan amaliyot olib borish tartiblari haqida ham kelishib olindi.